ۋكراينا ۇكىمەتى اۋىستى

ۋكراينادا ەكس-پرەمەر ۆلاديمير گرويسماننىڭ مينيسترلەر كابينەتى وتستاۆكاعا  كەتىپ، جوعارى رادا جاڭا پرەمەردى تاعايىندادى.

«ۋكراينفورم» مالىمەتىنشە، 290 دەپۋتات پرەزيدەنت ۆلاديمير زەلەنسكي مەن ونىڭ پارلامەنتتەگى «حالىق كەڭەسشىسى» فراكتسياسى ۇسىنعان الەكسەي گونچارۋكقا داۋىس بەردى. ناتيجەسىندە، گونچارۋك ەل پرەمەرى قىزمەتىنە كىرىستى.

ۋكراينا باسشىسى زەلەنسكي قىزمەتىنە كىرىسۋ الدىنداعى قاۋىپسىزدىك قىزمەتى باسشىسى، قورعانىس ءمينيسترى جانە باس پروكۋرور وتستاۆكاعا كەتۋى ءتيىس دەگەن. سونىمەن قاتار، پرەزيدەنت ۇكىمەتتى تۇتاس وتستاۆكاعا كەتۋگە شاقىرىپ، جوعارعى رادانى تاراتاتىنىن مالىمدەگەن. زەلەنسكي كومانداسى جوعارعى رادانى مەرزىمىنەن بۇرىن تاراتۋدى پارلامەنت كواليتسياسىنداعى دەپۋتتاتاردىڭ ازدىعىمەن ءتۇسىندىردى. بۇعان دەيىن كواليتسيانى «ساموپوموشش» جانە «باتكيۆششينا» پارتيالارى تاستاپ كەتكەن.

ۋكراينا زاڭىنا سايكەس، پرەمەر-مينيستر وتستاۆكاعا كەتكەن جاعدايدا، ونىمەن بىرگە مينيسترلەر كابينەتى تۇتاس كەتەدى.

22 شىلدەدە ۋكراينادا كەزەكتەن تىس سايلاۋ ءوتىپ، جوعارى رادا دەپۋتاتتارى سايلانعان. داۋىس بەرۋ قورىتىندىسى بويىنشا ۆلاديمير زەلەنسكيدىڭ «حالىق كەڭەسشىسى» پارتياسى – 43,9%; «ءومىر ءۇشىن وپپوزيتسيالىق پلاتفورماسى» – 11,5%; پەتر پوروشەنكونىڭ «ەۋروپامەن ىنتىماقتاستىق» پارتياسى – 8,9%; يۋليا تيموشەنكونىڭ باتكيۆششينا «جالپىۋكراينالىق بىرلەستىك» پارتياسى – 7,6%; مۋزىكانت سۆياتوسلاۆ ۆاكارچۋكتىڭ «گولوس» پارتياسى – 6,3% داۋىسقا يە بولدى.

"The Qazaq Times"