ەۋروپانىڭ السىزدىگى رەسەيگە قىتايمەن قارىم-قاتىناس ورناتۋعا مۇمكىندىك بەردى. 

فرانتسيا پرەزيدەنتى ەممانۋەل ماكرون رەسەيمەن اراداعى قارىم-قاتىناس جونىندە مالىمدەمە جاسادى. وندا ول ەۋروپا ەلدەرى جاڭا قىرعي قاباق سوعىستىڭ ورتاسىنا كىرىپ كەتپەۋ ءۇشىن رەسەيمەن قارىم-قاتىناسىن قايتا قاراۋى قاجەت.

بىراق ماكرون رەسەيگە قىرىم ماسەلەسىنە بايلانىستى سالىنعان سانكتسيالاردى الىپ تاستاۋ جونىندە ەشقانداي ءسوز قوزعامادى. دەسە دە، ول الداعى ۋاقىتتا رەسەيگە «جاڭادان سانكتسيا سالۋ ءبىزدىڭ مۇددەمىزگە سايكەس كەلمەيدى» دەدى.

بۇدان بولەك فرانتسيا پرەزيدەنتى رەسەيدى ەۋروپادان بۇدان ارى الشاق ۇستاۋ ۇلكەن ستراتەگيالىق قاتەلىك ەكەندىگىن مالىمدەدى. ونىڭ سوزىنشە، ەۋروپانىڭ السىزدىگى مەن قاتەلىكتەرى رەسەيگە قىتايمەن قارىم-قاتىناس ورناتۋعا جانە ءسۇريا، ليۆيا، افريكا ەلدەرىندەگى ءوز پوزيتسيالارىن كۇشەيتۋگە مۇمكىندىك بەردى.

"The Qazaq Times"