مەملەكەت باسشىسى قاسىم-جومارت توقاەۆ 2 قىركۇيەكتە قازاقستان حالقىنا جولداۋ جاساماق. بۇل تۋرالى ول ءوزىنىڭ Twitter پاراقشاسىندا جازدى.

پرەزيدەنتتىڭ العاشقى جولداۋى ادام زورلاۋ، ەسىرتكى ساۋداسى جانە باسقا دا اۋىر قىلمىستار ءۇشىن جازانى قاتاڭداتۋ تۋرالى بولماق. ق.توقاەۆ پاراقشاسىندا: «2 قىركۇيەككە جوسپارلانعان حالىققا جولداۋىمدا ەسىرتكى بيزنەسى، پەدوفيليا، جىنىستىق زورلىق-زومبىلىق جانە جەكە تۇلعاعا قارسى جاسالاتىن باسقا دا اۋىر قىلمىستارعا قاتىستى جازالاۋ شارالارىن قاتاڭداتۋ جونىندە پارلامەنتكە جانە ۇكىمەتكە تاپسىرمالار جۇكتەلەدى»، – دەپ جازدى.

ايتا كەتەر جايت، 9 ماۋسىمدا قازاقستان پرەزيدەنتى بولىپ سايلانعان قاسىم-جومارت توقاەۆ العاش رەت جولداۋ جاسايدى. وسىعان دەيىن ەلدى 30 جىلداي باسقارعان نۇرسۇلتان نازارباەۆ حالىققا 23 رەت جولداۋ جاساعان.

"The Qazaq Times"