تۇركيا پرەزيدەنتى رەجەپ تايىپ ەردوعان. فوتو: TRT

تۇركيا ءسۇريا اۋماعىندا اسكەري وپەراتسيا جۇرگىزبەك.

تۇركيا پرەزيدەنتى رەجەپ تايىپ ەردوعان ءسۇريا اۋماعىندا اۋقىمدى اسكەري وپەراتسيا جۇرگىزەتىندىگىن مالىمدەدى.

«ءبىز افرين، دجەرابلۋس، ءال-بابقا كىرگەندەي ەفرات وزەنىنىڭ شىعىسىنان كىرەمىز. بۇل جونىندە اقش پەن رەسەيگە ەسكەرتتىك. بىزگە شابۋىل جاساعانىن كۇتىپ، تىنىشتىق ساقتاپ وتىرا المايمىز» - دەدى ەردوعان.

بۇعان دەيىن انكارا «ەگەر اقش ەفرات پەن مانبيدج اۋماعىنداعى ءسۇريا كۇرتتەرىن الىپ كەتپەسە، ولارعا قارسى اسكەري وپەراتسيا جۇرگىزۋگە دايىن ەكەندىگىن» مالىمدەگەن. 2018 جىلدىڭ جەلتوقسانىندا رەجەپ تايىپ ەردوعان اقش پرەزيزەنتى دونالد ترامپەن تەلەفون ارقىلى سويلەسىپ، اسكەري وپەراتسيا كەيىنگە قالدىرىلعان. ال اق ءۇي اكىمشىلىگى ءسۇريا اۋماعىنان اسكەرلەرىن شىعاراتىن بولعان.

"The Qazaq Times"