اتى شۋلى ۋساما بەن لادەننىڭ ۇلى قايتىس بولدى.

اقش-تىڭ «NBC» تەلەارناسى «ءال-قايدا» تەررورلىق ۇيىمىنىڭ نەگىزىن قالاۋشى ۋساما بەن لادەننىڭ ۇلى حامزا بەن لادەننىڭ كوز جۇمعاندىعىن حابارلادى.  تەلەارنا مالىمەتىنشە، حامزا بەن لادەن اقش اسكەريلەرى جۇرگىزگەن ارنايى وپەراتسيا كەزىندە مەرت بولعان. بىراق اقش بيلىك ورگاندارى «ءال-قايدا» ليدەرىنىڭ ءولىمىن راستايتىن ەشقانداي قۇجاتتار جاريالامادى.

بۇعان دەيىن اقش حامزا بەن لادەنگە قاتىستى اقپارات بەرگەن ادامعا 1 ميلليون دوللار سىياقى بەرەتىندىگىن ايتىپ، مالىمدەمە تاراتقان. بۇدان بولەك وعان قارسى سانكتسيا سالعان.

اقش مەملەكەتتىك دەپارتامەنتىنىڭ مالىمەتىنشە، حامزا بەن لادەن 2015 جىلدان بەرى «ءال-قايدا» تەررورلىق ۇيىمىنىڭ قاتارىندا. ول سول ۋاقىتتان بەرى جاقتاستارىن باتىس ەلدەرى مەن اقش-قا قارسى لاڭكەستىك شابۋىلدار جاساۋعا شاقىرىپ، ۇگىت-ناسيحات جۇمىستارىن جۇرگىزۋدە.

"The Qazaq Times"