بۇۇ-نىڭ ارنايى وكىلى گەير پەدەرسەن قازاقستان استاناسىندا وتەتىن ءسۇريا بويىنشا ارنايى كەلىسسوزگە قاتىسپايتىن بولدى. بۇل تۋرالى ەلدىڭ سىرتقى ىستەر مينيسترلىگى حابارلادى.
مالىمدەمەدە: «وكىنىشكە وراي، گەير پەدەرسەن سىرقاتىنا بايلانىستى نۇر-سۇلتاندا وتەتىن كەلىسسوزگە قاتىسا المايتىندىعىن حابارلايمىز. بۇۇ دەلەگاتسياسىن ونىڭ ورىنباسارى باستاپ بارادى»، – دەلىنگەن.
بيىل ءحىىى ءسۇريا ماسەلەسى بويىنشا كەلىسسوز نۇر-سۇلتان قالاسىندا 1-2 تامىز ارالىعىندا وتكىزىلەدى. كەلىسسوزگە تۇركيا، رەسەي، يران جانە ءسۇريا وكىلدەرى قاتىسادى. ال باقىلاۋشى توپ قاتارىندا بۇۇ، يوردانيا، ليۆان جانە يراك دەلەگاتسياسى بار.
2011 جىلى ءسۇريادا قارۋلى قاقتىعىس باستالعالى بەرى استانادا ءسۇريا ماسەلەسىن رەتتەۋ جونىندەگى كەلىسسوز جەتى مارتە ۇيىمداستىرىلدى. نۇر-سۇلتان كەلىسسوزىنە قولداۋ كورسەتۋشى ەلدەردىڭ ارقاسىندا، سۇرياداعى قاقتىعىس ۋاقىتشا توقتاتىلدى. رەسەي، يران جانە تۇركيا اتالعان ماسەلە جونىندەگى كەلىسىمشارتتى ورىنداۋشى كەپىلگەر-ەلدەر سانالادى.
2017 جىلى قاڭتار، اقپان، ناۋرىز، مامىر ايلارىندا ءسۇريا داعدارىسىنا بايلانىستى ءتورت رەت كەزدەسۋ ءوتتى. ناتيجەسىندە كەلىسسوزگە قاتىسۋشى تاراپتار ءسۇريا جەرىندە قاۋىپسىز اۋماقتار قۇرۋعا بايلانىستى ماملەگە كەلگەن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى