«تاليبان» اۋعانستان بيلىگىنە شارت قويدى.

«تاليبان» راديكالدى قوزعالىسىنىڭ كاتارداعى ساياسي كەڭسەسىنىڭ وكىلى سۋحەيل ءشاحيننىڭ مالىمدەۋىنشە، تالىپتەر اۋعانستاننان شەتەلدىك اسكەرلەر شىعارىلسا عانا كابۋلداعى ۇكىمەتپەن كەلىسسوزدى باستايدى. بۇعان قاتىستى رەسمي كابۋل اتالعان توپپەن كەزدەسۋ الداعى 2 اپتانىڭ ىشىندە وتەدى دەپ مالىمدەگەن.

اۋعانستاننىڭ بەيبىت رەتتەۋ جونىندەگى مينيستر ابدۋل سالام راحيمي قاتىسۋشى قۇرامدى انىقتاۋ جۇمىستارى باستالىپ كەتكەنىن حابارلادى. ال اقش اۋعانارالىق كەلىسسوزدەر ۋاشينگتون «تاليبانمەن» قانداي دا ءبىر كەلىسىمگە قول جەتكىزگەن سوڭ عانا جۇرگىزىلەدى دەپ وتىر.

ءوز كەزەگىندە «تاليبان» قوزعالىسى بيىل اقش-پەن اراداعى كەلىسسوزدەرگە قاتىستى: «ءبىز قاڭتار ايىنداعى ۋاعدالاستىققا سايكەس، ەكى ماسەلەنى تەرەڭ تالقىلادىق» — دەگەن قىسقا عانا مالىمدەمە تاراتتى. بىراق ونىڭ قانداي ماسەلەلەر ەكەندىگى جونىندە ايتىلماعان. ناۋرىزدا اقش پەن «تاليبان» قوزعالىسى بەيبىت كەلىسىم جۇرگىزۋدى باستاعانمەن، اۋعانستان ۇلتتىق ارمياسىنىڭ جاڭا شتاب باسشىسى بيسميللا ۆازيري وفيتسەرلەرگە «تاليبان» مەن «يسلام مەملەكەتى» سودىرلارىن تۇتقىنعا الماي، ۇستالعان جەرىندە اتىپ تاستاۋعا بۇيىرىق بەرگەن بولاتىن. ونىڭ سوزىنشە، اۋعان حالقىندا تۇتقىنداردى اسىرايتىن قارجى جوق.

"The Qazaq Times"