فوتو: The Times

قاسىم-جومارت توقاەۆ بوريس دجونسوندى ۇلىبريتانيا بىرىككەن كورولدىگىنىڭ جانە سولتۇستىك يرلانديانىڭ پرەمەر-ءمينيسترى لاۋازىمىنا سايلانۋىمەن قۇتتىقتادى.

اقوردانىڭ ءباسپاسوز قىزمەتىنىڭ حابارلاۋىنشا، جەدەلحاتتا: «باسقارۋشى توري پارتياسىنىڭ كوشباسشىسىن سايلاۋداعى ءسىزدىڭ ايقىن جەڭىسىڭىز ۇلىبريتانيانىڭ يگىلىگى جولىندا قول جەتكىزگەن تاڭقالارلىق تابىستارىڭىزدىڭ جانە ادال قىزمەتىڭىزدىڭ مويىندالۋىن كورسەتەدى»، – دەلىنگەن.

سونىمەن قاتار، مەملەكەت باسشىسى قازاقستان مەن ۇلىبريتانيانىڭ ستراتەگيالىق سەرىكتەستىك، ديپلوماتيالىق قارىم-قاتىناسىنا توقتالىپ وتكەن. ەكىجاقتى ىنتىماقتاستىقتى ودان ءارى نىعايتۋعا جانە جاڭا ينۆەستيتسيالىق مۇمكىندىكتەردىڭ اشىلۋىنا سەنىم بىلدىرگەن قاسىم-جومارت توقاەۆ بوريس دجونسونعا جاڭا قىزمەتتە تابىس، سونداي-اق، بريتان حالقىنا باق-بەرەكە تىلەدى.

24 شىلدەدە كونسەرۆاتورلار پارتياسىنىڭ جاڭا باسشىسىنا داۋىس بەرۋ قورىتىندىسى بويىنشا دجونسون 92 153 داۋىس، ال ونىڭ قارسىلاسى – قازىرگى سىرتقى ىستەر ءمينيسترى دجەرەمي حانت 46 656 داۋىس جيناعان. وسىعان دەيىن مەملەكەت ءسىم-ءنىڭ باسشىسى جانە لوندون مەرى بولعان بوريس دجونسون بىرىككەن كورولدىكتىڭ 77-ءشى پرەمەر-ءمينيسترى اتاندى. سايلاۋ ناتيجەسى بەلگىلى بولعاننان كەيىن لوندوندا جۇزدەگەن ادام بوريس دجونسوننىڭ ەلدىڭ جاڭا پرەمەر-ءمينيسترى بولىپ تاعايىندالۋىنا قارسى نارازىلىق اكتسياسىن ۇيىمداستىرعان.

"The Qazaq Times"