كورنەكى سۋرەت.

سولتۇستىك كورەيا شىعىس باعىتقا قاراي اتاۋى بەلگىسىز ەكى زىمىرانىن ۇشىردى.

وڭتۇستىك كورەيانىڭ ۋonhap اگەنتتىگى مالىمدەگەندەي، سىناق ۆونسان قالاسى ماڭىندا جۇرگىزىلگەن جانە زىمىراندار جاپون تەڭىزىنە قاراي ۇشىرىلعان. اگەنتتىك: «سولتۇستىك كورەيا جاقىن قاشىقتىققا جەرگىلىكتى ۋاقىتپەن تاڭعى ساعات 5:34-تە، تاعى ءبىر زىمىراندى – تاڭعى ساعات 5:57-دە حودو تۇبەگىنەن، ۆونسان قالاسىنا جاقىن ماڭنان شىعىس تەڭىزگە ۇشىردى» – دەپ حابارلادى. سنارياد 430 شاقىرىمداي جەردى ەڭسەرگەن. وڭتۇستىك كورەيا شتاب باسشىلارى بىرلەسكەن كوميتەتى (JCS) «كحدر-ءدىڭ بۇل قادامى اقش-تىڭ اشۋىنا تيەرى ءسوزسىز» دەيدى.

سولتۇستىك كورەيا سوڭعى رەت 9 مامىردا پحەنان-پۋكتو ەلدى مەكەنىندە رەاكتيۆتى زىمىرانىن سىناقتان وتكىزگەن. قازىرگى ۋاقىتتا وڭتۇستىك كورەيا رەسپۋبليكاسىنىڭ قارۋلى كۇشتەرى بۇل جاعدايدى باقىلاۋدا ۇستاپ وتىرعانىن جەتكىزدى.

بىلتىر سينگاپۋردە العاش رەت اقش پەن سولتۇستىك كورەيا باسشىلارىنىڭ ءسامميتى وتكەن بولاتىن. اقش پرەزيدەنتى دونالد ترامپ پەن سولتۇستىك كورەيا باسشىسى كيم جوڭ ىن كەلىسسوزدەر قورىتىندىسى بويىنشا ورتاق قۇجاتقا قول قويدى. وندا پيوڭياڭ كورەي تۇبەگىن يادرولىق قارۋدان تولىق بوساتۋعا دايىن ەكەنىن حابارلاپ، ال اقش وعان قاۋىپسىزدىككە كەپىلدىك بەرۋە مىندەتتەلگەن بولاتىن. سامميت قورىتىندىسى بويىنشا يادرولىق قارۋدان باس تارتۋعا شەشىم شىعارىلىپ، قوس تاراپتىڭ باقىلاۋشىلارى كحدر-ءدىڭ يادرولىق باعدارلامادان باس تارتۋ تۋرالى كەلىسىمىن قاداعالاۋى قاجەت. الايدا، امەريكالىق بارلاۋ قوس ەل باسشىسى اراسىندا ۋاعدالاستىق بولعانىنا قاراماستان، كحدر يادرولىق قارۋ جاساۋدى ءالى جالعاستىرۋدا دەپ حابارلاعان ەدى. ال سولتۇستىك كورەيا تاراپى اقش پەن وڭتۇستىك كورەيانى كورەي تۇبەگىندەگى شيەلەنىستى باسەڭسىتەتىن كەلىسىمدى بۇزىپ، قايتادان اسكەري جاتتىعۋ وتكىزىپ جاتىر دەپ ايىپتاعان.

"The Qazaq Times"