![](https://qazaqtimes.com/kk/content/uploads/2019/07/Part-DV-DV2059031-1-1-1-800x480.jpg?token=ddd0fc5b19e6d3e89bbd86b0e3c14228)
حالىقارالىق اتوم ەنەرگياسى اگەنتتىگىنىڭ (ماگاتە) باس ديرەكتورى يۋكيا امانو 72 جاسىندا ومىردەن وزدى.
اتالعان اگەنتتىك تاراتقان رەسمي حابارلامادا: «ماگاتە حاتشىلىعى باس ديرەكتور يۋكيا امانونىڭ ومىردەن وزعانىن قايعىرا وتىرىپ حابارلايدى»، – دەلىنگەن. وسىعان بايلانىستى ماگاتە-ءنىڭ ۆەناداعى شتاب-پاتەرىنىڭ ۇستىنە تىگىلگەن تۋ تۇسىرىلەدى.
جاپون ديپلوماتى يۋكيا امانو ماگاتە-ءنى 2009 جىلدىڭ جەلتوقسانىنان بەرى باسقارىپ كەلدى. ول ءۇش مارتە ءتورت جىلدىق مەرزىمگە سايلانعان بولاتىن. ۇيىمدى امانو باسقارعان تۇستا يران اتوم باعدارلاماسى تۋرالى جان-جاقتى كەلىسىم بويىنشا مامىلەلەر جاسالعان.
وتكەن اپتادا دەنساۋلىعى سىر بەرە باستاۋىنا بايلانىستى، يۋكيا امانو مەرزىمىنەن بۇرىن لاۋازىمىن تاپسىرۋى مۇمكىن دەگەن حابار تاراعان.