اقش كونگرەسى رەسەيگە قارسى جاڭا سانكتسيالار ءتىزىمىن دايىندادى.

اقش كونگرەسى رەسەيدىڭ 24 ۋكراينا تەڭىزشىسىن تۇتقىنعا العانى ءۇشىن 24 رەسەيلىك شەنەۋنىك پەن ارنايى قىزمەت باسشىلارىنا سانكتسيا سالۋ تۋرالى زاڭ جوباسىن دايىندادى. زاڭعا سايكەس، سانكتسيا رەسەي تاراپى تۇتقىندالعان 24 ۋكراينالىق تەڭىزشىنى بوساتقاننان كەيىن الىنىپ تاستالادى. وعان دەيىن ءوز كۇشىندى بولادى.

ەستەرىڭىزگە سالايىق، 2018 جىلدىڭ قاراشا ايىندا رەسەي ارنايى قىزمەتى كەرىش بۇعازىندا ۋكراينالىق ءۇش كەمەنى كۇشپەن توقتاتىپ، 24 تەڭىزشىنى تۇتقىنعا العان. رەسمي ماسكەۋ ولارعا «شەكارا سىزىعىن زاڭسىز قيىپ ءوتتى» دەگەن ايىپ تاققان.

"The Qazaq Times"