موسۋل تۇرعىندارى قاۋىپسىز ايماققا جالاڭاش وتۋگە پەيىل

الەمدىك باق وسىدان بىرنەشە كۇنبۇرىن، يراك ۇكىمەت ارمياسى مەن موسۋل قالاسىندا بەكىنگەن «يسلام مەملەكەتى» تەررورلىق ۇيىمى اراسىندا قيان-كەسكى اتىس ورىن العانىن حابارلاۋدا. سوعىستان جاپا شەككەن حالىق ۇكىمەت كۇشىمەن باقىلاناتىن قاۋىپسىز ايماققا قاشۋدا. الايدا ۇكىمەت ارمياسى جانكەشتىلەردىڭ شابۋىلىنان ساقتانۋ ءۇشىن، قاۋىپسىز ايماققا كىرەتىن بۇقارالاردى تەكسەرۋدى قاتاڭ جۇرگىزدى.

موسۋلدىڭ قيراندىلارى اراسىنداعى تىنىش تۇراق ىزدەگەن تۇرعىندار. فوتو: Chinanews

ءبىر كۇن بۇرىن شەتەل جۋرناليستەرى موسۋل كوشەسىندە ۇكىمەت قارۋلى كۇشتەرى قاۋىپسىز ايماققا كىرگەن تۇرعىنداردى تەكسەرىپ جاتقانىن سۋرەتكە تۇسىرگەن. فوتوسۋرەتتەن قازىردىڭ وزىندە موسۋل كوشەلەرى كىرپىش قيراندىلاردان اياق الىپ جۇرگىسىز ەكەنىن بايقاۋعا بولادى. لاڭكەستەردىڭ شىلاۋىندا بولعان جازىقسىز بۇقارا، ۇكىمەت ارمياسى قۇرعان قاۋىپسىز ايماققا قاراي قاشىپ وتۋدە. بالالارىن كوتەرىپ، ۇكىمەت ارمياسىنان جاناشىرلىق تىلەپ جىلامسىراي جۇگىرگەن ادامداردىڭ جانارىنان، سول ەلگە سوعىستىڭ سالعان تەرەڭ تابىن بايقاۋ قيىن ەمەس. كەيبىرەۋى اياعىنا تاپىشكە كيىپ، كوبى جالاڭاياق قاشىپ كەلۋدە.

موسۋلدىق اكە كىشكەنتاي قىزىن قاۋىپسىز ايماققا الىپ كەلەدى. فوتو: The Indeppendent

قارۋلى كۇشتەرگە جولىققاندا ەر ادامدار كيىمدەرىن شەشىپ، وزدەرىنىڭ جانكەشتى ەمەس ەكەنىن دالەلدەۋگە تۋرال كەلەدى. وسىنىڭ ءبارى لاڭكەستەر قاشىپ وتكەن بۇقارالار اراسىنا جانكەشتىلەرىن قوسىپ جىبەردى دەگەن حاباردان كەيىنگى شارالار. قازىر قالادا لاڭكەستەرگە قارسى كۇرەس تولاسسىز جۇرگىزىلۋدە. ۇكىمەت ارمياسى بۇگىنگى بەرگەن مالىمدەمەسىندە، قالا ورتاسىنا دەيىن لاڭكەستەردەن تازارتىپ بولعانىن، بۇرىنعى قالالىق ۇكىمەت ۇينە جەتكەنىن، الدا قالا ورتاسىنداعى حۋرريا كوپىرىمەن باتىسقا قاراي ىلگەرىلەيتىنى ءمالىم بولدى.

"بوتام سەن امان بول"فوتو: Edmonton Journal

“The Qazaq Times”