ۋكراينانىڭ جوعارى رادا دەپۋتاتتىعىنا ۇمىتكەر رەتىندە 5845 ادام رەسمي تىركەلگەن.

كەزەكتەن تىس پارلامەنتتىك سايلاۋ 21 شىلدە كۇنى وتەدى. مەملەكەتتىك ورتالىق سايلاۋ كوميسسياسى شامامەن 9 تامىزدا سايلاۋدىڭ رەسمي قورىتىندىسى مەن IX شاقىرىلىمعا وتكەن دەپۋتاتتاردىڭ ءتىزىمىن جاريالايتىن بولادى. ۋكراينفورم سايتىنىڭ مالىمەتىنشە، ورتالىق سايلاۋ كوميسسياسىنا تىركەلگەن ادامدار قاتارىندا ءار سالا يەلەرى، ءتىپتى جۇمىسسىزدار بار. وسىلايشا، پارلامەنتكە 6 پارتيا وكىلدەرى ءوتىپ، ءبىر ورىنعا 45 ادامنان تالاسپاق. بۇعان قاتىستى ۋكراينا وسك مۇشەسى ەۆگەني رادچەنكو: «11 شىلدەدەگى كورسەتكىش بويىنشا «ۋكراينا» پوليگراف كومبيناتىنا 60 ميلليون 398 مىڭ 300 سايلاۋ بيۋللەتەنىن باسىپ شىعارۋ تۋرالى ءوتىنىش بەرىلدى. بيۋللەتەنگە ەنگەن پارتيا سانى – 22. ءبىر مانداتتى سايلاۋ وكرۋگى بويىنشا ەڭ از ۇمىتكەر حمەلنيتسكي وڭىرىندە تىركەلىپ وتىر، مۇندا ءبىر ورىنعا بەس ادامنان كەلەدى، ەڭ كوبى ودەسسا ايماعى، مۇندا ءبىر دەپۋتاتتىق ورىنعا 46 ادام تالاسادى»، – دەپ حابارلادى.

مالىمەتتەر بويىنشا، ۇمىتكەرلەر سانى كوپ بولعاندىقتان، سايلاۋ بيۋللەتەندەرىنىڭ ۇزىندىعى 80 سم-گە دەيىن جەتكەن. سايلاۋ الدىندا كومبينات تاۋلىك بويى جۇمىس كەستەسىنە كوشىپ، ميلليونداعان بيۋللەتەندى باسۋعا كومبيناتتىڭ 800 قىزمەتكەرى تەر توگۋدە. ناتيجەسىندە، مەملەكەتتىك پوليگرافكومبينات 53 ملن 500 مىڭ سايلاۋ بيۋللەتەنىن، ياعني سايلاۋ قاعازىنىڭ 85%-ىن شىعارعان.

18 مامىردا ۋكراينا پرەزيدەنتى جوعارى رادانى تاراتۋ تۋرالى جارلىق قابىلداعان بولاتىن. زەلەنسكي كومانداسى جوعارعى رادانى مەرزىمىنەن بۇرىن تاراتۋدى پارلامەنت كواليتسياسىنداعى دەپۋتتاتاردىڭ ازدىعىمەن ءتۇسىندىردى. بۇعان دەيىن كواليتسيانى «ساموپوموشش» جانە «باتكيۆششينا» پارتيالارى تاستاپ كەتكەن. قازىرگى ۋاقىتتا پارلامەنتتە «پەتر پوروشەنكو بلوگى» مەن «حالىق فرونتىنىڭ» 226 دەپۋتاتى بار. بۇل سانى جاعىنان پارلامەنتتىڭ جارتىسى عانا.

 

"The Qazaq Times"