شۆەتسيا بۇرىنعى قىتايلىق لاۋازىمدىنى قىتايعا قايتارىپ بەرۋدەن باس تارتتى

بۇگىن شۆەتسيا سوتى بۇرىنعى قىتايلىق لاۋازىمدى تۇلعانى ەكستراديتسيالاۋ تۋرالى بەيجىڭنىڭ ءوتىنىشىن كەرى قايتاردى. قىتاي ۇكىمەتى حىنان پروۆينتسياسىندا لاۋازىمدى قىزمەتتە بولعان چياو ءجيانجۇندى ءىرى كولەمدە ۇكىمەت قارجىسىن جىمقىردى دەپ ايىپتاعان، ءارى شۆەتسيا ۇكىمەتىنەن ونى قىتايعا قايتارىپ بەرۋدى تالاپ ەتكەن ەدى. الايدا، ەكى ەل اراسىندا ەكستراديتسيا تۋرالى كەلىسىم جوق بولاتىن.

قىتاي ۇكىمەتى جاعىنان بۇرىنعى لاۋازىمدى چياو 11 ملن اقش دوللارى كولەمىندەگى ۇكىمەت قارجىسىن الىپ شەتەلگە قاشىپ كەتكەن دەپ ايىپتالعان. سونداي-اق، قىتاي ۇكىمەتى جاعىنان شەتەلدە ىزدەستىرىلگەن قىلمىسكەرلەر تىزىمىنە دە ەنگىزىلگەن.

قىتايلىق لاۋازىمدى تۇلعا وتباسىمەن بىرگە ەڭ اۋەلى قۇراما شتاتقا قاشىپ بارعان. الايدا، اقش تارابى چياو مەن ونىڭ وتباسى مۇشەلەرىن اقشا جىلىستاتۋ جانە يمميگراتسيالىق الاياقتىق جاسادى دەپ ايىپتاعان.

بىلتىر ماۋسىم ايىندا اتالعان قىتايلىق لاۋازىمدى شۆەتسيادا تۇتقىندالعان. وتكەن ايدا شۆەتسيا ونى بوساتىپ، قىتايدىڭ تالابىن كەرى قايتارعان. الايدا، بىرنەشە كۇننەن كەيىن چياو قايتا قاماۋعا الدىندى، بىراق بۇل رەتىندە اقش-تىڭ ءوتىنىشى بويىنشا ۇستالعانى بەلگىلى بولعان.

دۇيسەنبى كۇنى قىتاي ءسىم تارابى شۆەتسيا ۇكىمەتىنەن چياونى قىتايعا ەكستراديتسيا جاساۋ تۋرالى ءوتىنىشىن جولداعان. ءبىر كۇن وتكەندە شۆەتسيا سوتى بۇل ءوتىنىشتى كەرى قايتاردى. سوت شەشىمىندە چياو ءجيانجۇن قىتايعا قايتارىلسا، بۇل ەۋروپالىق ەلدەر اراسىندا قول قويىلعان كونۆەنتسيانى بۇزۋ بولىپ سانالاتىنى ايتىلعان.

“The Qazaq Times”