پاريج قالاسىندا فرانسۋا فيوندى قولداۋشىلار جاپپاي ەرەۋىلگە شىقتى

پاريج قالاسىندا رەسپۋبليكالىق پارتيا اتىنان پرەزيدەنتتىك سايلاۋعا قاتىسىپ جاتقان فرانسۋا فيوننىڭ جاقتاۋشىلارى جاپپاي ەرەۋىلگە شىقتى دەپ حابارلايدى bbc.com.

جاقىندا ارادا فيوننىڭ اتىنان قىلمىستىق ءىس قوزعالۋى مۇمكىن، بىراق بۇعان قاراماستان، بىرنەشە مىڭ ادام ونىڭ پوزيتسياسىن جاقتاپ وتىر.

ۇمىتكەردىڭ رەسپۋبليكالىقتاردىڭ اتىنان قاتىسىپ جاتقان  سايلاۋ كومپانياسىندا شىققان داۋعا بايلانىستى جاپپاي تەكسەرىس جۇمىستارى جۇرگىزىلۋدە. داۋ فرانسۋا فيون ايەلىن جۇمىسقا ورنالىستىرىپ، ايەلى قىزمەتتە بولماسا دا كولەمدى اقشا تولەپ وتىرعان دەگەن ماسەلەگە بايلانىستى شىعىپ وتىر.

حالىق اراسىندا جۇرگىزىلگەن ساۋالناما ناتيجەلەرىنە سايكەس، 70 پايىز فرانتسۋزدار  فرانسۋا فيوننىڭ ۇمىتكەرلىكتەن باس تارتقاندىعىن قولداۋدا.

دۇيسەنبىدە پارتيا باسشىلارى بۇل ماسەلەگە بايلانىستى جينالىس  وتكىزىپ، ءىستى تولىقتاي تالقىلاماق.

بي-بي-ءسيدىڭ پاريج قالاسىنداعى ءتىلشىسىنىڭ ايتۋىنشا، فرانسۋا حالىق الدىنداعى بەدەلىن دالەلدەگىسى كەلسە، ەرەۋىلگە كەم دەگەندە 50 مىڭداي ادام قاتىسۋى ءتيىس ەدى، ال ەرەۋىلشىلەردى ارنايى اۆتوبۋستارمەن تاسىپ جاتقانىنا قاراعاندا، ۇمىتكەردىڭ قارسىلاستارى ەرەۋىلدىڭ ەش ناتيجە بەرمەيتىندىگىنە سەنىمدى.

ەگەر فيون پرەزيدەنتتىك سايلاۋدا كانديداتۋراسىنان باس تارتسا نەمەسە باس  تارتۋعا ماجبۇرلەسە، ونىڭ ورنىنا مەر  بوردو الەن جيۋپپە ۇمىتكەر بولۋى مۇمكىن.

“The Qazaq Times”