قىتايلىق سوعىس ۇشاعى مەن كانادالىق اسكەري كەمەنىڭ وقيعاسى ەكى ەل قاتىناسىن سالقىنداتتى

وتكەن اپتادا شىعىس قىتاي تەڭىزىندە قىتاي اسكەري ۇشاعى مەن كانادانىڭ اسكەري كەمەلەردىڭ ۇشىراسىپ قالۋ وقيعاسى، ەكى ەلدىڭ ديپلوماتيالىق قاتىناسىن سالقىنداتا ءتۇستى.

حابارعا قاراعاندا، قىتايلىق سۋ-30 جاۋىنگەرلىك ۇشاعى حالىقارالىق سۋ جولىندا ءجۇزىپ بارا جاتقان كانادانىڭ HMCS Regina كەمەسىنىڭ ۇستىنەن تىم جاقىن ارالىقتا ۇشىپ وتكەن. ءارى، بۇنى قىتايدىڭ اسكەري اۋە كۇشتەرى دە راستاعان.

اتالعان كەمەدە بولعان كانادالىق اسكەري قىزمەتكەرلەردىڭ ايتۋىنشا قىتاي اۋە كۇشتەرىنە تيەسىلى رەسەيلىك تەحنيكا ولارعا 300 مەتر شاماسىندا جاقىن كەلگەن. قىتايلىق سوعىس ۇشاعى كانادانىڭ اسكەري كەمەسىنە شابۋىل قاۋپىن توندىرمەگەنىمەن، كانادا اسكەري كۇشتەرى بۇنى قىتايدىڭ ارانداتۋ ارەكەتى رەتىندە باعالاپ وتىر. ءارى، اسكەري قىر كورسەتۋ دەپ سانايدى.

بيىل كانادا مەن قىتاي اراسىندا ديپلوماتيالىق قاتىناستار سالقىنداي تۇسكەنى بەلگىلى. وعان قىيايلىق «حۋاۆەي» كومپانياسىنىڭ قارجى ديرەكتورىنىڭ كانادادا تۇتقىندالۋى جانە قىتاي تارابىنىڭ كانادالىق ديپلوماتتاردى تۇتقىنداۋى سەبەپ بولعان. بۇل رەت ەكى ەلدىڭ اسكەري ۇشاقتارى مەن كەمەلەرىنىڭ قىتايعا جاقىن تەڭىز اينىدىندا ۇشىراسىپ قالۋى ەكى ەل اراسىنداعى قايشىلىقتى ءتىپتى دە تەرەڭدەتتى.

“The Qazaq Times”