اتامباەۆ ەرەكشە مارتەبەسىنەن ايىرىلدى

قىرعىزستاننىڭ جوعارى كەڭەسى بۇرىنعى پرەزيدەنت المازبەك اتامباەۆتى تيىسپەۋشىلىك مارتەبەسىنەن ايىردى.

كابار اگەنتتىگىنىڭ مالىمەتىنە سۇيەنسەك، اشىق تۇردە وتكەن داۋىس بەرۋ ناتيجەسى بويىنشا 109 دەپۋتاتتىڭ ۇشەۋى عانا بۇل شەشىمگە قارسى شىققان. جوعارى كەڭەستىڭ المازبەك اتامباەۆتى تيىسپەۋشىلىك مارتەبەسىنەن ايىرۋعا بايلانىستى قۇرىلعان ارنايى كوميسسياسى ەكس-پرەزيدەنتكە 9 پۋنكت بويىنشا ايىپ تاقتى. ايىپ ءتىزىمىن «رەسپۋبليكا – اتا-جۇرت» پارتياسىنىڭ دەپۋتاتى تالانت مامىتوۆ وقىدى. ءتىزىم ىشىندە «زاڭسىز جەر يەلەندى»، «رەسەي ازاماتتارىنا، ونىڭ ىشىندە ۇيىمداسقان قىلمىستىق توپ مۇشەلەرىنە قارۋ-جاراق تاراتتى»، «قىلمىس الەمىنىڭ سەركەسى ازيز باتۋكاەۆتى بوستاندىققا شىعارۋعا كومەكتەستى»، – دەگەن ايىپتار بار. جوعارى كەڭەستىڭ قىلمىس پەن سىبايلاس جەمقورلىققا قارسى كۇرەس كوميتەتى اتامباەۆقا باس پروكۋراتۋرا تاعىپ وتىرعان التى ايىپتىڭ بەسەۋىنە قاتىسى بار دەگەن شەشىمىن قولدادى.

12 ماۋسىمدا جوعارى كەڭەس دەپۋتاتى قاناتبەك يساەۆ «المازبەك اتامباەۆتى تيىسپەۋشىلىك مارتەبەسىنەن ايىرۋ» جونىندە باستاما كوتەرگەن. ال 13-ءشى ماۋسىمدا وسى ماسەلەگە بايلانىستى ارنايى كوميسسيا قۇرىلدى.

"The Qazaq Times"