شىمكەنت ورتالىق مەشىتى اقمەشىت جاماعاتى قازا بولعان ءۇش ازاماتتىڭ ءبىرى 1964 جىلى تۋعان پانابەك ەسماعامبەتوۆكە جانازا نامازىن وقىدى. قارالى جيىندا قالا اكىمى عابيدوللا ءابدىراحىموۆ پەن قمدب باس ءمۇفتيى سەرىكبايقاجى وراز ءسوز سويلەپ، ەلگە سابىرلىق تىلەدى. 

قالا اكىمى ءوز سوزىندە بۇگىندە شىمكەنت قالاسىندا 28000 ارىستىق تىركەلگەنىن جانە ولاردىڭ بارلىق قاجەتتىلىكتەرمەن قامتاماسىز ەتكەنىن ايتا وتىرىپ، زارداپ شەگۋشى ازاماتتاردىڭ باسپانالارى تولىق قالپىنا كەلتىرىلەتىنى تۋرالى پىكىر ءبىلدىردى.

جانە عابيدوللا راحىماتوللاۇلى ءبىراۋىزدان بەلسەنە ۇلەس قوسىپ، گۋمانيتارلىق كومەكتەردى ۇيىمداستىرۋ مەن ۇيلەستىرىلۋ ىسىندە بارىن سالعان ەل جۇرتشىلىعى مەن ەرىكتىلەرگە العىسىن ءبىلدىردى.

قوشتاسۋ نامازىنا 1000-نان اسا ەر ازاماتتار قاتىستى. جانازا نامازىن باس ءمۇفتي سەرىكبايقاجى وراز ءوزى وقىدى.

مارقۇمنىڭ جانى جانناتتا، توپىراعى تورقا بولسىن!

“The Qazaq Times”