ارىس قالاسىنداعى جاعدايعا بايلانىستى شىمكەنت قالاسى اكىمدىگىنىڭ ءباسپاسوز بريفينگى ءوتتى. ءباسپاسوز جيىنىن شىمكەنت قالاسىنىڭ اكىمى عابيدوللا ءابدىراحىموۆ ءوزى باسقاردى.

جارىلىستان كەيىن شىمكەنت قالاسىنا جينالعان ارىس تۇرعىندارىنا كورسەتىلىپ جاتقان كومەكتەر تۋرالى ايتا كەلىپ، قالا اكىمى عابيدوللا راحمەتوللاۇلى الەۋمەتتىك جەلىلەر ارقىلى تاراپ جاتقان ءتۇرلى قاۋەسەتتەردى جوققا شىعاردى جانە باق وكىلدەرىنەن دۇرىس اقپارات تاراتۋدى ءوتىندى.

«قۇرمەتتى قالا تۇرعىندارى جانە باسقا دا ازاماتتار، بۇل وڭاي  جاعداي ەمەس. مامانداردىڭ ءبارى جۇمىس ىستەپ جاتىر. سوندىقتان، بۇنداي ۋاقىتتا پروۆوكاتسيالىق ۆيدەو، اۋديو مالىمەتتەردى تاراتۋ، مەنشە ول – قيانات»، – دەدى.

“The Qazaq Times”