5G–قولدانىستاعى 4G ينتەرنەتتەن 100 ەسە جىلدام. فوتو: groupb.ru

قىتاي استاناسىندا ءموبيلدى بايلانىس تەحنالوگياسىندا 5G ستاندارتىنداعى  الەمدەگى ەڭ ۇلكەن ەكسپەريمەنتتىك جەلى ىسكە قوسىلدى دەپ مالىمدەدى قحر يندۋستريا جانە اقپاراتتىق تەحنالوگيالار مينيسترلىگىنىڭ وكىلدەرى سينحۋا اگەنتتىگىنە. 

جەلى حۋايجوۋ اۋدانىندا جاسالعان. ونى جەتىلدىرۋ جانە جاساۋ جۇمىستارىنا وسى سالاداعى قىتايلىق جانە شەتەلدىك كومپانيالار جۇمىلدىرىلىپ وتىر. تەستىلەۋ تەرمينالدارىنا قاجەتتى جاعىداي جاساپ، ەكسپەريمەنتتىڭ ءساتتى ءوتۋى ءۇشىن جۇمىستار جۇرگىزىلۋدە.

ءبىراز ۋاقىت بۇرىن بايلانىس تەحنالوگيالارىمەن اينالىساتىن قىتايلىق كومپانيا باسشىسىنىڭ ورىنباسارى جانە China Mobile كومپانياسىنىڭ تەحنالوگيالىق ءبولىمىنىڭ باسشىسى ۆان سياويۋن   5G ستاندارتىنداعى ءموبيلدى جەلىنىڭ  جۇمىستارىن Huawei, Nokia, ZTE, Ericsson, Intel جانە  DTT كومپانيالارىمەن بىرلەسە وتىرىپ جاسايتىندىعىن ايتقان بولاتىن. تاجىريبەنىڭ  بىرىنشى ءبولىمى ءساتتى اياقتالىپ، جاقىن ارادا، ەكىنشى ءبولىمى باستالىپ تا كەتتى.

فوتو: sell-off.livejournal.com

قىتايلىق ماماندار ەلدە  2018 جىلى  4G جىلدامدىعىمەن جۇمىس جاسايتىن ەكى ميلليون ستانتسيا سالنىپ، ال 2020 جىلى  5G جەلىسى كوممەرتسيالىق قولدانىسقا ەنەتىندىگىن جوسپارلاپ وتىر.

“The Qazaq Times”