كونستيتۋتسيالىق قۇرىلىمدى قۇلاتۋعا قاتىسىپ، ءىرى كولەمدە پارا الدى دەگەن ايىپپەن ارمەنيانىڭ ەكس-پرەزيدەنتى روبەرت كوچاريان ءۇشىنشى رەت تۇتقىندالدى.
ۆۆس اگەنتتىگىنىڭ حابارلاۋىنشا، ارمەنيا سوتى پروكۋراتۋرانىڭ كوچاريانعا بۇلتارتپاۋ شاراسىن جەڭىلدەتۋ تۋرالى ءوتىنىشىن قاناعاتتاندىرىپ، ونىڭ ءىسىن توقتاتۋ تۋرالى شەشىمىن جويدى جانە ماتەريالداردى ءارى قاراي تەرگەۋگە جىبەرگەن.
2018 جىلدىڭ 26 شىلدەسىندە ارمەنيا ارنايى تەرگەۋ قىزمەتى ەكس-پرەزيدەنت روبەرت كوچارياندى «كونستيتۋتسيالىق قۇرىلىمدى قۇلاتۋ» بابى بويىنشا كۇدىكتى دەپ تانىپ، ەكى ايعا قاماۋعا العان. كەيىننەن اپەللياتسيالىق سوت كوچارياننىڭ ەكس-پرەزيدەنت ستاتۋسىن العا تارتىپ ونى بوستاندىققا شىعارعان. جەلتوقسان ايىندا كوچاريان قايتادان قاماۋعا الىندى. سول ۋاقىتتان بەرى سوت 18 قاڭتاردا جانە 15 ناۋرىزدا ونىڭ قاماۋ مەرزىمىن ەكى رەت ۇزارتتى. اقپاندا ارمەنيا ارنايى تەرگەۋ قىزمەتى كوچاريانعا قاتىستى باستالعان قىلمىستىق ءىستىڭ اياقتالعانىن جانە ەكس-پرەزيدەنتتىڭ «كونستيتۋتسيالىق قۇرىلىمدى قۇلاتۋ»، «اسا ءىرى كولەمدە پارا الۋ» باپتارى بويىنشا كىنالى ەكەندىگى انىقتالعانىن مالىمدەگەن.
ايتا كەتەيىك، كوچاريان 1998-2008 جىلدار ارالىعىندا ارمەنيا پرەزيدەنتى لاۋازىمىن اتقارعان. ول ەكىنشى پرەزيدەنتتىك مەرزىمى اياقتالعاننان كەيىن «افك سيستەما» رەسەيلىك ينۆەستيتسيالىق كومپانياسى ديرەكتورلار كەڭەسىنە مۇشە بولدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى