اسكەري قىزمەتكەرلەر ارىس قالاسىنداعى 16 كوشەدەن 70 جارىلىپ ۇلگەرمەگەن سناريادتى تاپتى.

بۇل تۋرالى ءوزىنىڭ فەيسبۋكتەگى پاراقشاسىندا تۇركىستان وبلىسى اكىمىنىڭ كەڭەسشىسى ساكەن قالقامانوۆ حابارلادى. ونىڭ ايتۋىنشا، اسكەري جاراقتىڭ دەنى ۇيلەردەن تابىلعان. سول سەبەپتى قازىر تۇرعىندارعا قالاعا كەلۋ وتە قاۋىپتى دەيدى ول.

24 ماۋسىمدا ارىس قالاسىنداعى اسكەري قويمالاردىڭ بىرىندە جارىلىس بولعان. سالدارىنان ەكى ادام قازا تاۋىپ، 165 ادام مەديتسينالىق كومەككە جۇگىندى. قازىرگى ۋاقىتتا ارىستاعى اسكەري بولىمشە اۋماعىنداعى وق-ءدارى قويماسىندا جارىلىستار تىيىلدى. قورعانىس  مينيسترلىگى ارىس قالاسىنىڭ اۋماعىن جارىلماي قالعان وق-دارىلەردەن تازارتۋ ءۇشىن ارنايى ساپەرلەر توبىن قۇرعان. ىشكى ىستەر ءمينيسترىنىڭ ورىنباسارى ارىستاعى جارىلىستىڭ قايتالانۋ قاۋپى بار دەگەن بولاتىن. ۆيتسە-مينيستر: «قازىرگى ۋاقىتتا قورعانىس مينيسترلىگى ۇشقىشسىز باسقارىلاتىن ۇشۋ اپپاراتىنىڭ كومەگىمەن اەروۆيزۋالدى ۇشۋلارى جۇرگىزدى. وق-ءدارى ساقتالاتىن قويمالاردىڭ اۋماعىندا بىقسىعان وتتىڭ 9 وشاعى تابىلدى. ياعني، ازىرشە قايتادان جارىلىستاردىڭ ورىن الۋ قاۋپى ساقتالۋدا.  دەگەنمەن، باستاپقى ۋاقىتتا ورىن العان جارىلىستارداي جارىلىس بولمايدى دەپ ويلايمىن»، – دەدى.

"The Qazaq Times"