ترامپ ۇكىمەتى يرانعا شابۋىل جاساۋ ءۇشىن كونگرەستەن رۇقسات المايدى. بۇنداي مالىمدەمەنى قۇراما شتاتتاردىڭ پرەزيدەنتى دونالد ترامپ The Hill  اقپاراتتىق سايتىنا بەرگەن سۇحباتىندا ايتقان.

اتالعان سۇحباتىندا پرەزيدەنت ترامپ اقش پەن يران اراسىنداعى داعدارىسقا كوبىرەك توقتالىپ وتكەن. ول جانە كونگرەستىڭ رۇقساتىنسىز يرانعا شابۋىل جاساۋعا بيلىگىنىڭ جۇرەتىنىن اشىق ايتقان. بىراق، «يران ماسەلەسىنە بايلانىستى قاندايدا ءبىر ارەكەتتەرىمىزدەن كونگرەسكە ۋاقىتىندا مالىمەت بەرىپ كەلەمىز»، – دەپ قوسقان.

قۇراما شتاتتار مەن يران يسلام رەسپۋبليكاسى اراسىنداعى داعدارىستىڭ ۋشىعۋىنا بايلانىستى، كونگرەستەگى دەموكراتيالىق پارتيا وكىلدەرى ترامپ بيلىگىنە دەگەن سىنى دا ارتا باستادى. ولار ترامپ ۇكىمەتىنىڭ يرانعا قارسى قانداي دا ءبىر اسكەري ارەكەتكە بارۋدان بۇرىن كونگرەستىڭ ماقۇلداۋىن الۋىن تالاپ ەتۋدە.

 “The Qazaq Times”