ارىستاعى جارىلىس قايتالانۋى مۇمكىن

ارىستاعى جارىلىستىڭ قايتالانۋ قاۋپى بار. بۇل تۋرالى قر ىشكى ىستەر ءمينيسترىنىڭ ورىنباسارى يۋري يلين مالىمدەدى.

ۆيتسە-مينيستر: «قازىرگى ۋاقىتتا قورعانىس مينيسترلىگى ۇشقىشسىز باسقارىلاتىن ۇشۋ اپپاراتىنىڭ كومەگىمەن اەروۆيزالدى ۇشۋلارى جۇرگىزدى.  وق-ءدارى ساقتالاتىن قويمالاردىڭ اۋماعىندا بىقسىعان وتتىڭ 9 وشاعى تابىلدى. ياعني، ازىرشە قايتادان جارىلىستاردىڭ ورىن الۋ قاۋپى ساقتالۋدا.  دەگەنمەن، باستاپقى ۋاقىتتا ورىن العان جارىلىستارداي جارىلىس بولمايدى دەپ ويلايمىن»، – دەپ حابارلادى. سونىمەن قاتار، ءىىم وكىلى سوزىندە: «قويمالارداعى ءورت سالدارىن جويۋ جانە وتتى ءسوندىرۋ جۇمىستارىنا، مەنىڭشە، بۇگىنگى كۇننىڭ ىشىندە ءورت ءسوندىرۋ قۇرالدارىمەن جابدىقتالعان ارنايى ساۋىتتى تەحنيكالار كىرىسەتىن بولادى»، – دەدى.

قازىرگى ۋاقىتتا ارىستاعى اسكەري بولىمشە اۋماعىنداعى وق-ءدارى قويماسىندا جارىلىستار تىيىلدى. قورعانىس  مينيسترلىگى ارىس قالاسىنىڭ اۋماعىن جارىلماي قالعان وق-دارىلەردەن تازارتۋ ءۇشىن ارنايى ساپەرلەر توبىن قۇرعان.

ەسكە سالا كەتەيىك، 24 ماۋسىمدا ارىس قالاسىنداعى اسكەري قومالاردىڭ بىرىندە جارىلىس بولعان. سالدارىنان ەكى ادام قازا تاۋىپ، 165 ادام مەديتسينالىق كومەككە جۇگىندى.

"The Qazaq Times"