بيىل مۇناي ءوندىرۋ كولەمى 89 ملن تونناعا جەتەدى. بۇل تۋرالى قر ەنەرگەتيكا مينيسترلىگى حابارلادى.

ماۋسىمدا بەنزين ەكسپورتى اشىلعاننان بەرى، اي-92 بەنزينىنىڭ 70 مىڭ تونناسىن، اي-95 ماركالى بەنزيننىڭ 15 مىڭ تونناسىن ەكسپورتتاۋ جوسپارلانعان. اتالعان ەكى ماركانى ءوندىرۋ ىشكى تۇتىنۋدان 20-30%-عا ارتىق. مالىمەتتەر بويىنشا، وتكەن بەس ايدا 36,5 ملن تەڭگە مۇنايدىڭ باسىم بولىگى تەڭىز، قاشاعان مەن قارشىعاناقتاعى كەن ورىندارىندا وندىرىلگەن. سونىمەن قاتار، قاشاعاندا جوندەۋ جۇمىستارى جۇرگىزىلىگەننەن كەيىن، ءوندىرۋ كولەمى تاۋلىگىنە 400 مىڭ باررەلگە جەتكەن.

رەسمي مالىمدەمە جاساعان قر ەنەرگەتيكا ءمينيسترى قانات بوزىمباەۆ: «بيىلعى مۇناي ءوندىرۋ جوسپارى 89 ملن توننا كولەمىندە. قاشاعاندا اعىمداعى جىلدىڭ 14 ءساۋىر مەن 19 مامىر ارالىعىندا جوندەۋ جۇمىستارى 10 كۇن بۇرىن اياقتالدى. تەڭىز جانە جەرۇستى قۇرىلىستارىندا تەحنيكالىق جۇمىستار جۇرگىزىلدى. الداعى ۋاقىتتا تەڭىز كەن ورنىندا كەڭەيتۋ جۇمىستارى اياتالعاندا، 2024 جىلى ءوندىرۋ كولەمى جىلىنا 39 ملن تونناعا دەيىن ارتادى»، – دەدى. ءمينيستردىڭ مالىمەتىنشە، سارىارقا گاز قۇبىرىنىڭ 420 شاقىرىمى دانەكەرلەنگەن. اتالعان گاز جەلىسى ىسكە قوسىلعان كەزدە قاراعاندى، تەمىرتاۋ، ساتپاەۆ، ساران مەن شاحتينسك قالالارىنىڭ 171 ەلدى مەكەنى گازبەن قامتاماسىز ەتىلەدى.

"The Qazaq Times"