وزبەكستان باس پروكۋراتۋراسى ەلدىڭ تۇڭعىش پرەزيدەنتىنىڭ ۇلكەن قىزى، زانگياتا ايەلدەر كولونياسىندا وتىرعان گۇلنارا كارىموۆاعا پسيحولوگيالىق قىسىم كورسەتىلىپ جاتىر دەگەن اقپاراتتى تەرىسكە شىعاردى.
باۇىلاۋ مەكەمەسىنىڭ حابارلاۋىنشا، جاعدايى جاقسى جانە كەرەك كەزىندە مەديتسينالىق قىزمەت كورسەتىلۋدە". الايدا، بۇعان دەيىن گۇلنارا كارىموۆانىڭ شۆەيتسارلىق ادۆوكاتى گرەگۋار مانجا (Grégoire Mangeat) ونىڭ تۇراقتى تۇردە پسيحولوگيالىق قىسىم كورەتىنىن مالىمدەگەن ەدى.
ول Twitter پاراقشاسىنا بىلاي جەپ جازدى: "كارىموۆاعا مەديتسينالىق كومەك كورسەتىلمەي وتىر. وعان ۇنەمى پسيحولوگيالىق قىسىم كورسەتەدى".
2017 جىلدىڭ جەلتوقسان ايىندا "سالىقتان جالتاردى", "ۇرلادى", "بوپسالادى" دەپ ايىپتالىپ، 10 جىلعا سوتتالعان 46 جاستاعى كارىموۆانىڭ جازاسىن 2018 جىلدىڭ شىلدە ايىندا تۇرمە جازاسىنان بەس جىلعا ۇيقاماققا اۋىستىرعان. بۇدان بولەك مەملەكەتكە كەلتىرگەن شىعىندى قايتارۋ كەرەك بولعان. بىراق بيىل ناۋرىز ايىنىڭ باسىندا ەرەجەنى بۇزدى دەپ، ونى قايتا ايەلدەر كولونياسىنا اۋىستىردى.
ايتا كەتۋ كەرەك، 2015 جىلى شۆەتسيا، شۆەيتساريا جانە اقش كارىموۆانىڭ ۇستىنەن Telia, Vimpelcom جانە متس تەلەكوممۋنيكاتسيالىق كومپانيالاردان وزبەك نارىعىنا كىرۋ ءۇشىن ميللياردتاعان دوللار پارا الدى دەگەن ايىپپەن قىلمىستىق ءىس قوزعالعان.
سونداي-اق، اتالعان كومپانيالاردىڭ ءبارى يسلام كارىموۆتىڭ قىزىنا پارا بەرگەنىن مويىنداعان. وسى مالىمدەمەدەن كەيىن اقش كارىموۆاعا رەسمي تۇردە "پارا الۋ" جانە "كولەڭكەلى اقشانى زاڭداستىرۋ" باپتارى بويىنشا قىلمىستىق ءىس قوزعادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟