قۇراما شتاتتار يرانمەن الدىن الا شارت، تالاپ قويماي سويلەسۋگە دايىن دەپ مالىمدەدى اقش مەملەكەتتىك حاتشىسى مايك پومپەو. بىراق سوعان قاراماستان ول يران ءوزىن قالىپتى ەل رەتىندە كورسەتۋى ءتيىس دەپ اتاپ ءوتتى.

پومپەو جەكسەنبى كۇنى شۆەيتساريا سىرتقى ىستەر ءمينيسترى يگناتسيو كاسسيسپەن كەزدەسىپ، يرانداعى جاعدايدى تالقىلادى. اقش پەن يران اراسىندا ديپلوماتيالىق قارىم-قاتىناس بولماعاندىقتان، شۆەيتساريا - امەريكا تالاپتارىن جەتكىزۋشى مەملەكەت.

تاياۋدا يران پرەزيدەنتى حاسان روۋحاني ەگەر قۇراما شتاتتار يرانعا قۇرمەت كورسەتەتىن بولسا، ۆاشينگتونمەن كەلىسسوز جۇرگىزۋگە دايىن دەگەن.

ال اقش مەملەكەتتىك حاتشىسى تاياۋ شىعىستاعى "زياندى ارەكەتتەرىن" توقتاتۋدى قويماسا، يرانعا قىسىم كورسەتە بەرەتىنىن ەسكەرتتى.

بىلتىر قۇراما شتاتتار يران ساياساتىن وزگەرتۋى ءتيىس 12 تالاپتى اتاپ كورسەتكەن. ولاردىڭ ىشىندە ۆاشينگتون تەرروريستىك دەپ سانايتىن ۇيىمدارعا قولداۋ كورسەتۋدى توقتاتۋ جانە زىمىران باعدارلامالارىن شەكتەۋ.

دونالد ترامپ اكىمشىلىگى يادرولىق قارۋ-جاراقتى توقتاتۋعا بايلانىستى كەلىسىمنەن شىعىپ، يرانعا قارسى سانكتسيالاردى قايتا ەنگىزدى.

سوڭعى اپتادا جاعداي ۋشىعا ءتۇستى. اقش يران قاۋىپىن جەلەۋ ەتىپ، تاياۋ شىعىسقا قوسىمشا اسكەر جىبەرەتىنىن مالىمدەگەن.

"The Qazaq Times"