بىشكەك بەلسەندىلەرى شەرۋگە شىقپاق

بىشكەك بەلسەندىلەرى بەيبىت شەرۋگە شىعىپ، بيلىكتەن ەلدەگى جەمقورلىقپەن شىنداپ كۇرەسۋدى تالاپ ەتپەك. بۇل تۋرالى ۇيىمداستىرۋشىلاردىڭ ءبىرى ءارى قۇقىق قورعاۋشى ريتا كاراسارتوۆا Facebook پاراقشاسىنا جازدى.

ء"بىز قازىر ناقتى ماقساتى بار رەفورمالاردى تالاپ ەتپەسەك، ەشتەڭە وزگەرمەيدى. ءسىزدىڭ ەلدەگى جەمقورلىقپەن كۇرەسۋ جۇمىستارىنا كوڭىلىڭىز تولا ما؟ ءسىزدىڭ ۇلتتىق قاۋىپسىزدىك كوميتەتىنىڭ جۇمىسىنا كوڭىلىڭىز تولا ما؟ بيۋدجەتتىڭ ميلليونداعان قارجىسى كولەڭكەلى جولمەن باسقا جاققا كەتىپ جاتقانىمەن جانە بارلىق كۇرەس ساياسي رەپرەسسياعا اينالىپ جاتقانىمەن كەلىسەسىز بە؟",  دەپ جازدى ول الەۋمەتتىك جەلىدەگى پاراقشاسىندا.

ول نارازى حالىقتا ماۋسىمنىڭ 3-ءى كۇنى ورتالىق الاڭعا "جەمقورلىقپەن ناعىز كۇرەس" اكتسياسىنا قاتىسۋعا شاقىردى.

ءبىز ساعاتتىڭ ىشىندە پرەزيدەنت پەن پارلامەنتكە ەلدەگى جەمقورلىققا قارسى جاسالىپ جاتقان جۇمىستارعا كەلىسپەيتىنىمىزدى كورسەتەمىز. وسى اقپاراتتى تاراڭىزدار", دەدى ول.

"The Qazaq Times"