قر پرەمەر-ءمينيسترى اسقار مامين ۇكىمەت ۇيىندە جاپونيانىڭ قازاقستانداعى توتەنشە جانە وكىلەتتى ەلشىسى تاتسۋحيكو كاسايدى قابىلدادى. بۇل تۋرالى مينيسترلىكتىڭ ءباسپاسوز قىزمەتى حابارلادى.
كەزدەسۋ بارىسىندا قازاقستان – جاپونيا بيزنەس فورۋمىن وتكىزۋ مۇمكىندىگى، ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ وزەكتى ماسەلەلەرى تالقىلاندى. ينۆەستيتسيالار، اۋىل شارۋاشىلىعى، تەحنولوگيالار، يننوۆاتسيالار سالالارىنداعى قازاقستان مەن جاپونيانىڭ ەكونوميكالارى اراسىنداعى سينەرگيا پەرسپەكتيۆالارى قارالدى.
قر ۇكىمەتىنىڭ باسشىسى ستراتەگيالىق سەرىكتەستىكتى دامىتۋدىڭ ماڭىزدى ءمانىن اتاپ ءوتىپ، ونەركاسىپ كاسىپورىندارىندا ەڭبەك ونىمدىلىگىن ارتتىرۋ ماسەلەلەرىن تالقىلادى. سونىمەن قاتار، «ورتالىق ازيا+جاپونيا» ديالوگىنىڭ الداعى جوسپارلارى تۋرالى ءسوز بولدى.
2004 جىلى نەگىزى قالانعان «ورتالىق ازيا+جاپونيا» ديالوگى ينفراقۇرىلىمدىق جانە مەديتسينا سالالارىن دامىتۋعا باعىتتالعان. 2015 جىلى جاپونيا پرەمەر-ءمينيسترى سيندزو ابەنىڭ ورتالىق ازياداعى بەس مەملەكەتكە تاريحي ساپارى باستالدى. 2016 جىلدىڭ قاراشاسىندا نۇرسۇلتان نازارباەۆ جاپونياعا رەسمي ساپارمەن بارعان. ال 2017 جىلى تاراپتار ديپلوماتيالىق قارىم-قاتىناستىڭ 25 جىل تولۋىنا وراي كەزەكتى فورۋم وتكىزدى. 2018 جىلى قر مەن جاپونيا اراسىنداعى تاۋار اينالىمى 54% ارتىپ، 2 ملرد دوللاردى قۇراعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى