ترامپ ۇكىمەتى تايۋاندى قولداۋىن كۇشەيتتى

اقش پەن تايۋاننىڭ (تايۆان) قاۋىپسىزدىك جونىندەگى جوعارى لاۋازىمدى تۇلعالارى 40 جىلدان كەيىن العاش رەت كەزدەسۋ وتكىزدى. ءارى، بۇل كەزدەسۋدە تاراپتاردىڭ  اراسىنداعى ىنتىماقتاستىقتى تەرەڭدەتۋ ماسەلەلەرى تالقىلانعان. بۇنداي مالىمەتتى تايۋان سىرتقى ىستەر مينيسترلىگى ءبىر كۇن بۇرىن مالىمدەدى.

تايۋان سىرتقى ىستەر مينيسترلىگىنىڭ مالىمەتىنە قارعاندا، ۇلتتىق قاۋىپسىزدىك كەڭەستىنىڭ باس حاتشىسى لي داۆەي مەن اق ءۇيدىڭ ۇلتتىق قاۋىپسىزدىك جونىندەگى كەڭەسشىسى جون بولتون كەزدەسكەن. ولار اقش-تايۋان اراسىنداعى ىنتىماقتاستىقتى تەرەڭدەتۋ، تايۋاننىڭ قاۋىپسىزدىگىن قامتاماسىز ەتۋگە اقش-تىڭ قولداۋ كورسەتۋى تاقىرىپتارىن كەڭەسكەن. كەزدەسۋ، لي داۆەيدىڭ 13-21 مامىر كۇندەرى ارالىعىنداعى اقش ساپارى كەزىندە وتكەن. ودان بەرى ەكى ەل لاۋازىمدىسىنىڭ كەزدەسۋى تۋرالى رەسمي مالىمەت تاراتىلماعان.

اق ءۇي لاۋازىمدى تۇلعاسىنىڭ تايۋان ۇكىمەتىنىڭ وكىلدەرىمەن كەزدەسۋى ترامپ ۇكىمەتىنىڭ تايۋاندى قولداپ وتىرعاندىعىن كورسەتەدى. بەيجىڭ بيلىگى تايۋاندى كحر-نىڭ پروۆينتسياسى رەتىندە تانيتىندىقتان، وزگە ەلدەرمەن ديپلوماتيالىق بايلانىس ورناتۋىنا قارسى تۇرادى. ءارى، ارالعا ساياسي جانە اسكەري قىسىمدى جىلدان جىلعا كۇشەيتىپ كەلەدى.  ال، اقش پەن قىتاي اراسىندا ساۋدا تەڭسىزدىگىنە بايلانىستى كەلىسپەۋشىلىك پەن وڭتۇستىك قىتاي تەڭىزىنە بايلانىستى قايشىلىقتار بار. سوندىقتان، بەيجىڭ بيلىگى ءۇشىن اقش پەن تايۋاننىڭ تەرەڭ ىنتىماقتاستىق ورناتۋى ءوزىنىڭ ىرىقسىز ورىندا قالۋىمەن بىردەي.

مامىر ايىنىڭ باسىندا اقش-تا تايۋان قورعانىسىن قامتاماسىز ەتۋگە قولداۋ كورسەتۋ جانە قارىم-قاتىناستى نىعايتۋ تۋرالى زاڭ قابىلداندى. 2010 جىلدان بەرى پەنتاگون مەن تايۋان اراسىندا 15 ملرد اقش دوللارى كولەمىندە قارۋ-جاراق وتكەرىلدى.

“The Qazaq Times”