اقش تاياۋ شىعىسقا قوسىمشا 1,5 مىڭ اسكەر اتتاندىرماق.

اقش پرەزيدەنتى دونالد ترامپ مامىر ايىنىڭ 24-ءى كۇنى اق ۇيدە وتكەن ءباسپاسوز ءماسليحاتىندا تاياۋ شىعىس پەن يرانعا قاتىستى مالىمدەمە جاسادى.

«ءبىز ءوزىمىزدى قورعاۋىمىز كەرەك. سالىستىرمالى تۇردە العاندا تاياۋ شىعىسقا جىبەرىلەتىن اسكەردىڭ سانى كوپ ەمەس. بۇل قورعانىس ءۇشىن جەتكىلىكتى. پەنتاگون مەنىڭ 1,5 مىڭ ساربازدى تاياۋ شىعىسقا جونەلتۋ جونىندەگى ۇسىنىستى ماقۇلداعانىمدى كونگرەسكە جەتكىزدى. بۇل يران تاراپىنان ءتونۋى مۇمكىن قاۋىپتەرگە بەرەتىن ەڭ سانالى شەشىم» - دەدى ترامپ.

پەنتاگون تاراتقان اقپارات بويىنشا، تاياۋ شىعىسقا باراتىن قوسىمشا اسكەر ءسۇريا مەن يراك اۋماعىندا بولمايدى جانە 1,5 مىڭ ساربازدىڭ ىشىنە وسى ۋاقىتقا دەيىن ايماقتا بورىشىن وتەپ جۇرگەن 600 سارباز دا كىرەدى. ولار تەك قىزمەت كەلىسىم شارتىن ۇزارتادى.

اقش-تىڭ تاياۋ شىعىسقا اپاراتىن قوسىمشا اسكەرى نەگىزىنەن Patriot اۋە قورعانىس جۇيەسى مەن بارلاۋشى ۇشاقتاردان تۇرماق.

"The Qazaq Times"