تاۋارلار مەن قىزمەتتەردىڭ ساپاسىن باقىلاۋ جانە ساقتاۋ كوميتەتى جۇرگىزگەن كلينيكالىق پراكتيكاعا قابىلداۋ تەكسەرىسى كەزىندە مىڭعا جۋىق مەديتسينا ماماندارى سىناقتان سۇرىنگەن.

دەنساۋلىق ساقتاۋ مينيسترلىگى جانە وبلىستىق دەنساۋلىق ساقتاۋ باسقارمالارى بىرلەسكەن تەكسەرۋ بارىسىندا 616 مەديتسينالىق مەكەمە تالاپقا ساي بولماي شىقتى. ولاردىڭ 544-ءى مەملەكەتتىك مەنشىككە تيەسىلى. جالپى قورىتىندىعا سايكەس شىمكەنت، تۇركىستان، قاراعاندى، پاۆلودار، جامبىل، الماتى، اتىراۋ وبلىستارىندا 484 مەديتسينا قىزمەتكەرى مامانداردىڭ سەرتيفيكاتتارىنىڭ بولماۋىنا بايلانىستى جۇمىستان شىعارىلدى. جۇمىستان قۋىلعانداردان باسقا، مەديتسينالىق قىزمەتكەرلەردى ايىپپۇل تۇرىندە اكىمشىلىك جاۋاپكەرشىلىككە - 5 اەك، ال لاۋازىمدى تۇلعالارعا - 15 اەك مولشەرىندە ايىپپۇل سالىندى.

قازاقستان بويىنشا تەكسەرىس اياقتالعاننان كەيىن،  قۇقىق بۇزۋشىلىقتار انىقتالعان ايماقتاردىڭ مەديتسينالىق ۇيىم باسشىلارىنا جازالاۋ شارالارى قولدانىلماق.

"The Qazaq Times"