قىتايدىڭ ءىرى تەلەكوممۋنيكاتسيا كومپانياسى سانالاتىن Huawei اقش سانكتسياسىنا قارسى تۇرۋعا تىرىسىپ باعۋدا. كومپانيا باسشىلىعى چيپتەردى ءىرى ماسشتابتا توپتان، قۇراما شتاتتىڭ قىسىمىنا قارسى تۇرۋ شارالارىن قابىلداعان. بۇل تۋرالى كومپانيا باسشىلىعى ارنايى مالىمدەمە جاساعان.

اتالعان كومپانيانىڭ نەگىزىن قالاۋشى جانە باس ديرەكتورى رەن جىڭفي سوزىندە: «Huawei 5G باعدارلاماسىنا اقش سانكتسيالارى كەدەرگى بولا المايدى. جاقىنعى 3-4 جىلدا وزگە كومپانيالار ءبىزدى قۋىپ جەتە المايدى»، – دەگەن.

اقش ۇكىمەتىنىڭ ايىپتاۋىنان كەيىن، Google كومپانياسى «حۋاۆەي» ۇيالى تەلەفوندارىنىڭ جۇيەسىن جاڭارتۋدى توقتاتاتىنىن مالىمدەدى. انىقتاپ ايتقاندا، اتالعان كومپانيانىڭ جاڭا تەلەفوندارى ءۇشىن Google باعدارلامالارى قولجەتىمدى بولمايدى.

بىرنەشە جىلدان بەرى اقش ۇكىمەت قىتايدىڭ اتالعان ەڭ ءىرى تەلەكوممۋنيكاتسيا كومپانياسىن تىڭشىلىق، سانكتسيادان جالتارۋ جانە تەحنولوگيا ۇرلىعىمەن ايىپتاپ كەلەدى. سونداي-اق، اتالعان كومپانيا قىتاي كوممۋنيستىك پارتياسىمەن قۇپيا تىعىز بايلانىس ورناتقان دەپ قارايدى.

“The Qazaq Times”