رەسەي اۋە كۇشتەرىن بەسىنشى بۋىن سوعىس ۇشاقتارىمەن جاڭارتپاق

رەسەي پرەزيدەنتى ۆلاديمير پۋتين رەسەي اۋە كۇشتەرى تەحنيكاسىنىڭ بەسىنشى ۇرپاق سۋ-57 جويعىش ۇشاقتارىن ساتىپ الۋ تۋرالى كەلىسىم جاقىندا تۇزىلەتىنىن مالىمدەدى. ول جانە 2028 جىلعا دەيىن رەسەيدىڭ ءۇش اۋە كۇشتەرى پولكىن سۋ جاڭا سۋ-57 ۇشاقتارىمەن جاڭارتۋ كەرەك دەپ تاپسىرعان.

سۋ-57 ۇشاعى بۇعان دەيىن رەسەي اۋە كۇشتەرىنىڭ ايبىنى سانالاتىن سۋ-35 ۇشاقتارىنىڭ جاڭا بۋىنى. قازىرگە دەيىن 76 داناسى وندىرىلگەن. ەڭ العاش 2006 جىلى سىناقتان وتكىزۋ جوسپارلانعان، الايدا 4 جىل كەشىگىپ، 2010 جىلى اۋەگە كوتەرىلدى. ال، 2017 جىلى ءسۇريا جەرىندە سۋ-57 ۇشاقتارى بىرنەشە رەت پايدالانىلدى. ءتىپتى، امەريكالىق ارىپتەسى F-35 ۇشاقتارىمەن دە كەزدەسىپ قالعانى بار. رەسەيدە بۇدان تىس سۋ-35 ۇشاعىنىڭ جەتىلدىرىلگەن جاڭا ءتۇرى سۋ-35س ۇشاقتارى دا سىناقتان وتكىزىلۋ ۇستىندە.

پرەزيدەنت پۋتين مالىمدەمەسىندە جاڭا بۋىن ۇشاقتىڭ 76 داناسىن تۇگەلدەي رەسەي ااك-نە ساتىپ الۋ تۋرالى ايتقان. ياعني، رەسەيلىك اسكەري ونەركاسىبىنىڭ ءونىمىن قارۋلى كۇشتەرىنە ساتىپ الىپ بەرمەك. ول جانە جاڭا بۋىن ۇشاقتارىندا تىكۇشاقتاردىڭ مۇمكىنشىلىكتەرى بار ەكەنىن ايتادى.

بىلتىر، ۆيتسە-پرەمەر بوريسوۆ سۋ-57 ۇشاقتارىنان 12 داناسىن عانا ساتىپ الۋدى جوسپارلاعاندارىن مالىمدەگەن ەدى. ول رەسەيلىك تەلەارنالارعا بەرگەن سۇحباتىندا: «سۋ-35 ۇشاقتارى دا الەمدەگى تەڭدەسسىز ۇشاقتاردىڭ ءبىرى. سوندىقتان، سۋ-57 ۇشاقتارىن كوپتەپ ساتىپ الۋدىڭ كەرەگى جوق»، – دەگەن بولاتىن.

76 دانا سۋ-57 ۇشاقتارىن ساتىپ الۋدا كوبىرەك سىنالعان، 2010 جىلدان بەرى ۇشۋ وپەراتسيالارىن وتەپ كەلە جاتقان ۇشاقتاردىڭ باعاسى 20 پايىزعا دەيىن ارزانداتۋ تۋرالى دا ءسوز بولۋدا.

رەسەيلىك باق اتالعان جاڭا سوعىس ۇشاعىنا ەڭ جاڭا تەحنولوگيالار پايدالانىپ جاسالعانىن كوبىرەك ايتۋدا. ساراپشىلار بولسا، رەسەي بۇل ۇشاقتاردى جاساپ شىعارۋ ارقىلى ءوزىنىڭ زاماناۋي اسكەري قۇرالدار وندىرۋدە كوشباسشىلار قاتارىندا كورسەتكىسى كەلەدى دەپ قارايدى.

“The Qazaq Times”