رەسەي پرەزيدەنتى ۆلاديمير پۋتين.

رەسەي پرەزيدەنتى ۆلاديمير پۋتين كاسپي تەڭىزىندەگى جۇك تاسىمالىنا كوڭىلى تولمايتىنىن ايتتى.

ءپۋتيننىڭ سوزىنشە، وسىدان بىرنەشە جىل بۇرىن استراحان وبلىسىندا وسىدان بىرنەشە جىل بۇرىن «وليا» پورتى اشىلىپ، 2004 جىلى جۇك تاسىمالىن ارتتىرۋ ءۇشىن ايماققا تەمىر جول سالىنعان. بىراق بۇعان قاراماستان كاسپي تەڭىزىندەگى جۇك تاسىمالىنىڭ بارلىعىن كورشى مەملەكەتتەر الىپ قويۋدا.

«كاسپي تەڭىزىندە جۇك تاسىمالى ارتۋدا. بىراق ولاردىڭ بارلىعى رەسەيدى اينالىپ وتۋدە. ونىڭ بارلىعىن كورشىلەس مەملەكەتتەر الۋدا» - دەپ مالىمدەدى رەسەي پرەزيدەنتى.

بۇدان بولەك ول جۇك تاسىمالداۋشى كومپانيالاردىڭ قىزىعۋشىلىعىن ارتتىرۋ ءۇشىن ارنايى باعدارلامالار قابىلداپ، ينۆەستورلاردى تارتۋ قاجەتتىگىن جەتكىزدى.

ەستەرىڭىزگە سالايىق، مامىر ايىنىڭ 13-ءى كۇنى اقتاۋ پورتى ارقىلى وزبەكستاننىڭ العاشقى جۇك كونتەينەرلەرى جونەلتىلگەن. «وزبەكستان تەمىر جولى» كومپانياسىنا تيەسىلى 20 فۋتتىق 20 كونتەينەر اقتاۋ پورتى ارقىلى يرانعا جەتكىزىلەدى. بۇل قازاقستان، وزبەكستان، تۇركىمەنستان، يران جانە قىتاي تەمىر جول كومپانيالارىنىڭ ءوزارا كەلىسىمى ناتيجەسىندە جۇزەگە اسۋدا.

"The Qazaq Times"