بۇۇ تۇركىمەنستاندى ءۇش قۇرىلىم مۇشەسى ەتىپ تاعايىندادى

تۇركىمەنستان بۇۇ-نىڭ ءۇش قۇرىلىمىنا مۇشە بولدى.

«ۆاتان» باسىلىمىنىڭ حابارلاۋىنشا، تۇركىمەنستان 2020-2022 جىلدار ارالىعىنا دۇنيەجۇزىلىك ازىق-تۇلىك باعدارلاماسىنىڭ اتقارۋشى كەڭەسىنە، 2020-2023 جىلدار ارالىعىنا بۇۇ-نىڭ ەسىرتكى قۇرالدارى جونىندەگى كوميسسياسىنا، سونىمەن قاتار، 2020-2024 جىلدار ارالىعىنا بۇۇ-نىڭ حالىقتى قونىستاندىرۋ جانە دامۋ جونىندەگى كوميسسياسىنا مۇشە بوپ تاعايىندالعان.

2017 جىلى ورتالىق ازيا ەلدەرىندە رەسمي ءىس ساپارمەن جۇرگەن بۇۇ باس حاتشىسى انتونيۋ گۋتەررەش تۇركىمەنستان استاناسى اشحابادتا: «بۇۇ ورتالىق ازيا ەلدەرىنە سۋ، ەنەرگەتيكا، ساۋدا-ساتتىق، يفروقۇرىلىم جوبالارىن ىسكە اسىرۋعا كومەكتەسۋگە دايىن»، – دەپ مالىمدەگەن بولاتىن. وسى رەتتە بىرىككەن ۇلتتار ۇيىمىمەن ستراتەگيالىق سەرىكتەستىكتى دامىتۋ ماقساتىندا تۇرىكمەنستان حالىقارالىق ماسەلەردى تالقىلاۋعا تۇراقتى قاتىسىپ كەلەدى.

قازىرگى ۋاقىتتا تۇرىكمەنستاندا بۇۇ-نىڭ 7 مامانداندىرىلعان اگەنتىتكتەرىنىڭ وكىلدىگى تىركەلگەن. ورتالىق ازياعا ارنالعان الدىن الۋ ديپلوماتياسى جونىندەگى بۇۇ ايماقتىق ورتالىعى اشحاباتتا ورنالاسقانىن اتاپ وتكەن ءجون. سونداي-اق، نيۋ-يورك، ۆەنا جانە جەنەۆاداعى بىرىككەن ۇلتتار ۇيىمدارى شتاب-پاتەرلەرى جانىندا تۇرىكمەنستاننىڭ وكىلدىكتەرى بار.

"The Qazaq Times"