فوتو: https://www.5-tv.ru

امەريكانىڭ دجەكسونۆيلل قالاسىنداعى وزەنگە Boeing 737 جولاۋشىلار ۇشاعى قۇلادى.

دجەكسونۆيلل مەرى لەنني كارري ءوزىنىڭ Twitter-دەگى پاراقشاسىندا: «كوممەرتسيالىق ۇشاق وزەنگە قۇلادى. مەن بۇل تۋرالى اقپاراتتى ءبىزدىڭ ءورت سوندىرۋشىلەر مەن قۇتقارۋشى دەپارتامەنت وكىلدەرىنەن ەستىدىم. ولار وقيعا ورنىندا جۇمىس ىستەپ جاتىر»، – دەپ جازدى.

مالىمەتتەر بويىنشا، ۇشاقتا جالپى سانى 142 ادام بولعان جانە بارلىعى امان. زارداپ شەككەن جولاۋشىلار قالا ماڭىنداعى اۋرۋحاناعا جەتكىزىلدى. قازىرگى ۋاقىتتا اپات سەبەپتەرى انىقتالىپ جاتىر.

ايتا كەتەيىك، 10 ناۋرىزدا دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى «Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان. 2018 جىلى قازان ايىندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى. وسى وقيعادان كەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى

"The Qazaq Times"