Crew Dragon كەمەسى. فوتو: https://cdn.teslarati.com

SpaceX كومپانياسىنا تيەسىلى Crew Dragon كەمەسىنىڭ كاپسۋلاسى جويىلدى.

يلون ماسكتىڭ كومپانياسى Falcon Heavy اۋىر زىمىرانى جاقىن ارادا ۇشىرىلادى دەپ حابارلاعان. تاجىريبە كەزىندە كومپانياعا تيەسىلى Crew Dragon كەمەسىنىڭ كاپسۋلاسى جويىلدى. دجون كەننەدي اتىنداعى عارىش ورتالىعىنىڭ ۆيتسە پرەزيدەنتىنىڭ مالىمدەۋىنشە، كەمەنىڭ قوزعالتقىشى ءساتسىز سىناق كەزىندە جويىلعان.

SpaceX كومپانياسى وكىلدەرى: «Falcon Heavy بىرنەشە كورسەتكىش بويىنشا الەمدەگى ەڭ قۋاتتى زىمىران اتاندى. اتالعان زىمىران وربيتاعا وزىمەن 64 توننا جۇك (18 "Boeing 717" ۇشاعى كوتەرە الاتىن سالماققا تەڭ) كوتەرە الادى. وسكە تۇسەتىن وسىنشا سالماق پەن قىسىمدى ەسكەرسە، Falcon Heavy بولاشاقتا ادامداردى مارسقا اپارا الادى دەۋگە بولادى»،– دەيدى. كاناۆەرال مۇيىسىنەن ۇشىرىلعان زىمىران ءۇشىن بۇل – تۇڭعىش كوممەرتسيالىق جوبا. ول ساۋد ارابياسىنىڭ Arabsat 6A جەر-سەرىگىن وربيتاعا شىعارۋى ءتيىس. بىلتىر ءدال وسى عارىش كەمەسىنە يلون ماسكتىڭ سپورتتىق كولىگى تيەلىپ، وعان سكافاندر كيگەن قۋىرشاق ادام وتىرعىزىلعان. سول ۋاقىتتا يلون ماسك: «بۇل عارىش تاريحىنداعى ەڭ مىقتى زىمىراننىڭ ءساتتى كوتەرىلۋى بولا ما، الدە اسپانداعى كوزدىڭ جاۋىن الار وتشاشۋعا كۋا بولامىز با، ازىرگە بەلگىسىز. بىراق الەمنىڭ تۇپكىر-تۇپكىرىنەن وسى جايتتى كورۋ ءۇشىن مىڭداعان ادام كەلدى»، – دەپ مالىمدەدى.

كاپسۋلا جويىلۋ بارىسىندا كومپانيا قىزمەتكەرلەرى قاۋىپسىزدىك شارالارىن ساقتاعان جانە جاپا شەككەندەر جوق. قازىرگى ۋاقىتتا ارنايى ماماندار وقيعانىڭ ناقتى سەبەبەىن انىقتاۋعا كىرىستى.

"The Qazaq Times"