فوتو: يا Regnum

بۇل تۋرالى بۇۇ باس حاتشىسى انتونيو گۋتتەريش 3 مامىردا اتاپ وتىلەتىن دۇنيەجۇزىلىك ءباسپاسوز بوستاندىعى كۇنى قارساڭىندا ايتتى.

ء"باسپاسوز بوستاندىعى بولماسا، بيلىككە شىندىقتى جەتكىزۋ مۇمكىن ەمەس. سونداي-اق، ادىلەتتى جانە بەيتاراپ ينستيتۋتتاردى قۇرۋ، كوشباسشىلاردان دا كەرەكتى جاۋاپتى الۋ مۇمكىن ەمەس", - دەدى انتونيو گۋتەرريش ءوز بايانداماسىندا.

يۋنەسكونىڭ مالىمەتى بويىنشا، 1994-2018 جىلدار اراسىندا الەمدە 1307 جۋرناليست ولتىرىلگەن، ال ونىڭ 99- ى وتكەن جىلى قازا تاپقان.

"بۇكىل الەمدە ازاماتتاردىڭ قوعامدىق ومىرگە ارالاسۋ مۇمكىندىكتەرى ازايىپ كەتتى. سونداي-اق، بۇقارالىق اقپارات قۇرالدارىنا دەگەن نەگاتيۆتى كوزقاراس ءورشىپ بارادى. سالدارىنان  جۋرناليستەر، سونىڭ ىشىندە ايەل جۋرناليستەر زورلىق-زومبىلىققا ءجيى ۇشىرايدى", - دەدى باس حاتشى.

يۋنەسكونىڭ باس ديرەكتورى ودري ازۋلە دە جۋرناليستەردىڭ قاۋىپسىزدىگى كۇن تارتىبىندەگى ماسەلە ەكەندىگىن اتاپ ءوتتى. ول ءوز سوزىندە: "جۋرناليستەرگە جاسالعان قاستاندىقتىڭ جازاسىز قالۋى - بۇكىل قوعامعا ءتونىپ تۇرعان قاۋىپ. ءبىز ساق بولۋىمىز كەرەك. ءبىز ءسوز بوستاندىعىن قورعاۋعا، جۋرناليستەرگە قاۋىپسىزدىكتى قامتاماسىز ەتۋگە بار كۇشىمىزدى سالۋىمىز قاجەت",- دەدى.

دۇنيەجۇزىلىك ءباسپاسوز بوستاندىعى كۇنىنە ارنالعان كونفەرەنتسيا  2-3 مامىردا بۇۇ شتاب-پاتەرىندە وتۋدە. وعان بۇۇ باس حاتشىسى انتونيو گۋتەرريش پەن باس اسسامبلەيانىڭ توراعاسى ماريا فەرناندا ەسپينوسا قاتىسۋدا.

ايتا كەتەيىك، 3 مامىر – دۇنيەجۇزىلىك ءباسپاسوز بوستاندىعى كۇنى. 1993 جىلى وسى كۇنى بۇۇ باس اسسامبلەياسى مامىردىڭ 3-ءىن «دۇنيەجۇزىلىك ءباسپاسوز ەركىندىگى كۇنى» دەپ جاريالاپ، ءسوز بوستاندىعى مەن وعان تونەتىن قاۋىپ-قاتەرگە نازار اۋدارۋعا شاقىرعان ەدى.

"The Qazaq Times"