اقش پرەزيدەنتى دونالد ترامپ پەن تۇركيا باسشىسى رەجەپ تايىپ ەردوعان دۇيسەنبى كۇنى تەلەفونمەن سويلەسىپ، رەسەيدىڭ س-400 زەنيتتى-زىمىران كەشەنىن تۇركياعا ورنالاستىرۋ مۇمكىندىگىن تالقىلادى.

انكارانىڭ رەسمي مالىمەتى بويىنشا، ەردوعان ترامپقا س-400 كەشەنىنىڭ ساۋداسىنا قاتىستى ەكى ەلدىڭ بىرلەسكەن كوميسسياسىن قۇرۋدى ۇسىنعان. بىراق اق ءۇيدىڭ مالىمدەمەسىندە بۇل تۋرالى ايتىلمادى.

تۇركيانىڭ رەسەيدەن س-400 ساتىپ العىسى كەلگەن جوسپارىن اقش قاتاڭ سىناپ وتىر. ۋاشينگتون «رەسەي قارۋىن تۇركيا اۋماعىنا ورنالاستىرۋ ناتو ستاندارتتارىنا قايشى كەلەدى» دەپ ەسەپتەيدى. بۇنىڭ الدىندا ەردوعان ءوز شەشىمىنەن باس تارتپايتىنىن مالىمدەگەن. بۇل نيەتىن ول جاقىندا ماسكەۋدە رەسەي پرەزيدەنتى ۆلاديمير پۋتينمەن كەزدەسۋدە راستادى. العاشقى اسكەري كەشەن تۇركياعا بيىل شىلدەدە جەتكىزىلەدى دەپ جوسپارلانعان.

اقش پەن تۇركيا كەلىسپەيتىن تاعى ءبىر ماسەلە - يرانعا قارسى سالىنعان امەريكالىق سانكتسيالار. سۇرياداعى جاعداي دا كەلىسپەۋشىلىكتەر تۋعىزۋدا، ويتكەنى ەردوعان اقش-تىڭ "يسلام مەملەكەتى" تەرروريستىك توبىمەن كۇرەستەگى وداقتاسى ءسۇريا كۇردتەرىنە قارسى قارۋلى وپەراتسيا جۇرگىزگىسى كەلەدى.

"The Qazaq Times"