"ۇلت تاعدىرى" ۇيىمى پرەزيدەنت سايلاۋىنا ساياساتكەر ءامىرجان قوسانوۆتىڭ كانديداتۋراسىن ۇسىندى.

بۇگىن الماتى قالاسىندا " جاڭا قازاقستان" فورۋمى ءباسپاسوز ءماسليحاتىن وتكىزىپ، الدا كەلە جاتقان پرەزيدەنت سايلاۋىنا قاتىستى مالىمدەمە جاسادى. جيىنعا وپپوزيتسيالىق ساياساتكەرلەر دوس كوشىم مەن ءامىرجان قوسانوۆ قاتىستى.

جيىن بارىسىندا "ۇلت تاعدىرى" ۇيىمىنىڭ توراعاسى دوس كوشىم قوزعالىس اتىنان الدا كەلە جاتقان پرەزيدەنت سايلاۋىنا ءامىرجان قوسانوۆتى ۇستاناتىنىن مالىمدەدى.

بۇعان دەيىن قازاقستانداعى جالعىز وپپوزيتسيالىق جسدپ پارتياسى 9 ماۋسىم كۇنى وتەتىن پرەزيدەنت سايلاۋىنا بايكوت جاريالاعان. پارتيا اتىنان سايلاۋعا ۇمىتكەر رەتىندە ۇسىنىلعان قوعام قايراتكەرى، جۋرناليست ەرمۇرات باپي "بۇل جولعى سايلاۋدىڭ بۇرىنعى سايلاۋلاردان ايىرماشىلىعى جوق ەكەندىگىن" ايتىپ، "قۋىرشاق كانديداتتار قاتىساتىن سايلاۋعا بايكوت جاريالايتىنىن" مالىمدەگەن.

قازاقستاندا مەرزىمىنەن بۇرىن پرەزيدەنت سايلاۋى 9 ماۋسىم كۇنى وتەدى.

"The Qazaq Times"