"Ұлт тағдыры" ұйымы президент сайлауына саясаткер Әміржан Қосановтың кандидатурасын ұсынды.

Бүгін Алматы қаласында " Жаңа Қазақстан" форумы баспасөз мәслихатын өткізіп, алда келе жатқан президент сайлауына қатысты мәлімдеме жасады. Жиынға оппозициялық саясаткерлер Дос Көшім мен Әміржан Қосанов қатысты.

Жиын барысында "Ұлт тағдыры" ұйымының төрағасы Дос Көшім қозғалыс атынан алда келе жатқан президент сайлауына Әміржан Қосановты ұстанатынын мәлімдеді.

Бұған дейін Қазақстандағы жалғыз оппозициялық ЖСДП партиясы 9 маусым күні өтетін президент сайлауына байкот жариялаған. Партия атынан сайлауға үміткер ретінде ұсынылған қоғам қайраткері, журналист Ермұрат Бапи "бұл жолғы сайлаудың бұрынғы сайлаулардан айырмашылығы жоқ екендігін" айтып, "қуыршақ кандидаттар қатысатын сайлауға байкот жариялайтынын" мәлімдеген.

Қазақстанда мерзімінен бұрын президент сайлауы 9 маусым күні өтеді.

"The Qazaq Times"