رەسەي پرەزيدەنتى ۆلاديمير پۋتين ورتالىق ازياداعى ءۇش مەملەكەتكە ساپارى اياسىندا 28 اقپاندا بىشكەكتە قىرعىزستان پرەزيدەنتى المازبەك اتامباەۆپەن كەزدەستى. ەكى ەلدىڭ باسشىلارى بىرلەسكەن باسپاسءوز كونفەرەنتسياسىن ءوتكىزىپ، مەملەكەت باسشىلارىنىڭ كەزدەسۋىندە رف مەن قىرعىزستان اراسىنداعى ءارىپتەستىك مءاسەلەلەرى تالقىلانعانىن مءالىمدەدى. "بۇل تۋرالى ورتالىق ازيا حابار قىزمەتى" جازادى. 

كەزدەسۋدە كانت قالاسىندا رەسەيلىك اسكەري بازانى كەڭەيتۋ ماسەلەسى تالقىلانباعان - مەملەكەت باسشىلارى قىرعىز اسكەرىن نىعايتۋ جانە قارۋ-جاراق جەتكىزۋ ماسەلەلەرىن قاراعان. اتامباەۆتىڭ ايتۋىنشا، رەسەي قىرعىزستان قارۋلى كۇشتەرىن نىعايتۋعا كومەكتەسكىسى كەلەدى. پۋتين كانت قالاسىنداعى رەسەيلىك بازانىڭ پايدا بولۋ تاريحىن ەسكە سالىپ ءوتتى.

"ول قىرعىز باسشىلىعىنىڭ سۇراۋىمەن 1999-2000 جىلدارى پايدا بولدى. سول كەزدە قىرعىزستان حالىقارالىق تەرروريستەردىڭ شابۋىلدارىنا تاپ بولدى، ولار مۇندا اۋعانستاننان كەلگەن ەدى. سول كەزدە قىرعىزستان باسشىلىعى مەنەن تەز ارادا اسكەري كونتينگەنت ورنالاستىرۋىمدى سۇرادى", - دەدى ول.

ۆلاديمير ءپۋتيننىڭ مالىمدەۋىنشە، رەسەي قىرعىزستان وتىنىشىمەن بازانى الىپ كەتۋگە دايىن. "قىرعىزستان قارۋلى كۇشتەرىن جەتكىلىكتى دەڭگەيدە نىعايتتىق، بازا ەندى قاجەت ەمەس دەيتىن بولسا، وندا ءبىز سول كۇنى كەتەمىز", - دەدى رەسەي باسشىسى.

“The Qazaq Times”