ساۋد ارابياسىندا 23 ءساۋىر كۇنى تەرروريزم بويىنشا ايىپتالعان 37 ادام ءولىم جازاسىنا كەسىلدى.

بيلىكتىڭ رەسمي حابارلاماسىندا ولاردى "ەكسترەميستىك جانە تەرروريستىك يدەولوگيا" تاراتقانى ءۇشىن جازالانعانى ايتىلعان. ءولىم جازاسى ەلدىڭ بىرنەشە ايماعىندا جۇزەگە اسقان.

جازاعا كەسىلگەندەردىڭ كەم دەگەندە 33-ءى – شيىتتەر ونىڭ ىشىندە 11-ءى 2013 جىلى يرانعا تىڭشىلىق جاسادى دەگەن ايىپپەن ۇستالعاندار دەپ حابارلادى حالىقارالىق Human Rights Watch ادام قۇقىقتارىن قورعاۋ ۇيىمى. قالعاندارى 2012 جىلى ساۋد ارابياسى بيلىگىنە قارسى نارازىلىققا قاتىسقاندار.

وسىلايشا بيىل ساۋد ارابياسىندا ءولىم جازاسىنا كەسىلگەندەر سانى 146-عا جەتتى.

ساۋد ارابياسىندا سوڭعى رەت ءولىم جازاسىنا كەسىلگەندەردى جاپپاي ءولتىرۋ شاراسى 2016 جىلى بولعان. ول كەزدە بيلىك 47 ادامعا ءولىم جازاسىن قولدانعان، ولاردىڭ اراسىندا ەلگە تانىمال ءشيىت قايراتكەرى شەيح نيمر ءال-نيمرا دا بولعان. بۇل جاعداي يسلامنىڭ ءشيىت اعىمىن ۇستاناتىن يراندا جاپپاي نارازىلىق تۋعىزعان.

"The Qazaq Times"