21-23 سءاۋىر ارالىعىندا قازاقستانعا كورەيا رەسپۋبليكاسىنىڭ پرەزيدەنتى مۋن چجە ين العاشقى مەملەكەتتىك ساپارىمەن كەلەدى. بۇل تۋرالى رەسمي اقوردا سايتى حابارلادى.

قازاقستان پرەزيدەنتى قاسىم-جومارت توقاەۆ وڭتۇستىك كورەيا باسشىسىمەن كەلىسسوزدەر جۇرگىزۋ بارىسىندا ساياسي، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالار بويىنشا ەكىجاقتى قارىم-قاتىناستاردىڭ قازىرگى احۋالى مەن پەرسپەكتيۆالارىن، سونداي-اق، بىرقاتار ايماقتىق جانە حالىقارالىق وزەكتى ماسەلەلەردى تالقىلاماق.

سونىمەن قاتار، 24 ساۋىردە اقوردادا مەملەكەت باسشىسى قاسىم-جومارت توقاەۆ قازاقستانعا رەسمي ساپارمەن كەلەتىن ماجارستاننىڭ پرەمەر-ءمينيسترى ۆيكتور وربانمەن كەلىسسوزدەر وتكىزەدى. ەكى جاقتى كەزدەسۋدىڭ باعدارلاماسى بويىنشا قازاق-ماجار ىنتىماقتاستىعىنا جانە ايماقتىق، حالىقارالىق ماسەلەلەر اياسىندا اڭگىمە وربىتپەك.

"The Qazaq Times"