ددسۇ اسا قاۋىپتى «سۋپەرباكتەريالاردىڭ» ءتىزىمىن جاريالادى

دۇنيەجۇزىلىك دەنساۋلىق ساقتاۋ ۇيىمى انتيبيوتيكتەرگە توتەپ بەرەتىن جانە ادام اعزاسىنا اسا قاۋىپتى دەپ تانىلعان باكتەريالاردىڭ ءتىزىمىن جاڭارتتى دەپ حابارلايدى bbc.com .

ۇيىمنىڭ جاريالاعان مالىمەتتەرىنە سايكەس ىشەك تاياقشالارى قاۋىپتى باكتەريالاردىڭ كوشىن باستايدى. يممۋندىق جۇيەءسى ءالسىز ادامدار ءۇشىن ءولىم قاتەرىن توندىرەتىن قان جۇقپالارى مەن ءىش ءوتۋ سەكىلدى  بەلگىلەرگە سەبەپ بولاتىن وسى ىشەك تاياقشالارى.

عالىمدارمەن ۇسىنىلعان بۇل ءتىزىم وسى جازدا گەرمانيادا وتەتىن G20 سامميتىندە تالقىلانباق.  حالىقارالىق ءسامميتتىڭ ماقساتى – ەمدەلۋگە كەلمەيتىن ينفەكتسيالارعا قارسى انتيبيوتيكتەر مەن جاڭا ءدارى-دارمەكتەردى جاساۋ بولىپ وتىر.

وسى ۋاقىتقا دەيىن دە ماماندار  جاڭا پوستانتيبيوتيكتەر ءداۋىرىنىڭ ورنايتىنىن جانە قولداعى بار ءدارى-دارمەكپەن ەمدەلۋگە كەلمەيتىن ينفەكتسيالاردىڭ پايدا بولاتىندىعى جايلى بىرنەشە مارتە ەسكەرتكەن بولاتىن. وسى ينفەكتسيالاردىڭ ەمى تابىلماسا، بولاشاقتا كەڭ تارالىپ  ادامزات ءۇشىن قاۋىپتى اپاتقا الىپ كەلۋى مۇمكىن ەكەندىگى جەتكىزدى.

دەنساۋلىق ساقتاۋ جۇيەسىنە ەنگىزىلگەن باكتەريالار ءتىزىمى دارىلەرگە توزىمدىلىگى مەن  كوپ جاعىدايدا ءولىم تۋدىرۋ قاۋپىنە بايلانىستى جاسالدى.

ءتىزىمنىڭ باسىنداعى كلەبسيەللا باكتەرياسىنىڭ انتيبيوتيكتەردىڭ ەڭ مىقتىسى سانالاتىن كارباپەنەمعا  دا توتەپ بەرەتىندىگى انىقتالىپ وتىر.

وسى باكتەريادان تۋىندايتىن ينفەكتسيادان جاقىندا اقش-تا ءبىر ايەلدىڭ ءولىمى تىركەلگەن بولاتىن. ونىڭ ەمدەلۋىنە دارىگەرلەرءدىڭ قولىنداعى 26 ءتۇرلى انتيبيوتيكتىڭ بىرەۋى دە كومەكتەسە الماعان.

نازارلارىڭىزعا قاۋىپتى باكتەريالاردىڭ تولىق ءتىزىمىن ۇسىنامىز.

ءبىرىنشى دارەجەلى  قاۋىپتى باكتەريالارعا:

باۋماننىڭ اكينەتوباكتەرياسى  (كارباپەنەمعا ءتوزىمدى) – قاناينالىم جۇيەسى جانە تىنىس الۋ ورگاندارىنا قاتەرلى.

سينەگنوي تاياقشالارى (كارباپەنەمعا ءتوزىمدى) - قاناينالىم جۇيەسى جانە تىنىس الۋ ورگاندارىنا قاتەرلى.

ەنتەروباكتەريالار، كلەبسيەللۋ، ىشەك تاياقشالارى، سەرراتسيا جانە پروتەۋس (كارباپەنەمعا ءتوزىمدى) - قاناينالىم جۇيەسى، ءزار شىعارۋ ورگاندارى مەن تىنىس الۋ جولدارىنا قاتەرلى ينفەكتسيا تۋدىرۋشى باكتەريالار جاتادى.

اسا قاۋىپتى باكتەريالارعا جاتاتىندار:

ەنتەروكوككي فەتسيۋم   (ۆانكوميتسينگە  توزىمدى) – قاناينالىم جۇيەسىندەگى جانە العان جاراقاتقا تۇسەتىن قاتەرلى ينفەكتسيالارعا الىپ كەلەدى.

سارى ستافيلوكوكك (مەتيتسيللينۋگە ءتوزىمدى، ۆانكوميتسينۋگە بەيتاراپ، كەيدە ءتوزىمدى) - ءزار شىعارۋ ورگاندارى مەن تىنىس الۋ جولدارىنا، قاناينالىم جۇيەسىندەگى جانە العان جاراقاتقا تۇسەتىن قاتەرلى ينفەكتسيالارعا الىپ كەلەدى.

حەليكوباكتەر پيلوري (كلاريتروميتسينگە ءتوزىمدى) – اسقازانداعى ويىق جاراعا الىپر كەلەتىن ينفەكتسيا تۋدىرۋشى.

كامپيلوباكتەرلەر  (فتورحينولونعا ءتوزىمدى) – وتكىر ديارەيا مەن قاناينالىم جولدارىنداعى ينفەكتسيالارعا الىپ كەلەدى.

سالمولنەللا (فتورحينولونعا ءتوزىمدى) – وتكىر ديارەيا مەن قاننىڭ ۋلانۋىنا الىپ كەلدى.

گونوكوككي (فتورحينولون مەن  تسەفالوسپورينگە ءتوزىمدى) – بەدەۋلىككە الىپ كەلەتىن جىنىس جولدارىمەن تارالاتىن ينفەكتسيا. كەي كەزدەرى قاناينالىم جولدارى مەن بۋىندارعا دا تارالۋى مۇمكىن.

قاۋىپتى باكتەريالارعا جاتاتىندار:     

پنەۆموكوكك (پەنيتسيللينگە ءتوزىمدى) – تىنىس الۋ جولدارىنىڭ ينفەكتسياسىنا، مەنەگيتكە جانە قاننىڭ ۋلانۋىنا  الىپ كەلۋى مۇمكىن.

گەموفيل تاياقشاسى  (امپيتسيللينگە ءتوزىمدى) - تىنىس الۋ جولدارىنىڭ ينفەكتسياسىنا، مەنەگيتكە جانە قاننىڭ ۋلانۋىنا، بۋىن مەن تەرى ينفەكتسيالارىنا الىپ كەلۋ قاتەرى جوعارى.

شيگەلدەر (فتورحينولونعا ءتوزىمدى) – بۇيرەك جەتىسپەۋشىلىگىنە، اسقىنۋعا الىپ كەلەتىن ديارەيانى تۋدىرۋى مۇمكىن.

«The Qazaq Times»