ماسكەۋدە رەسەي-اراب ەلدەرى فورۋمى وتۋدە

ماسكەۋدە رەسەي مەن بىرقاتار اراب ەلدەرى سىرتقى ىستەر مينيسترلەرىنىڭ قاتىسۋىمەن 5-ءشى رەتكى رەسەي-اراب ەلدەرى فورۋمى وتۋدە. كەزەكتى فورۋم تاياۋ-شىعىس جانە سولتۇستىك افريكا ماسەلەلەرىن تاقىرىپ ەتكەن.

رەسەي سىرتقى ىستەر ءمينيسترى سەرگەي لاۆروۆ فورۋمداعى سوزىندە: «فورۋمنىڭ كۇن تارتىبىندە تاياۋ-شىعىس پەن سولتۇستىك افريكا جاعدايى، سونىڭ ىشىندە پالەستينا-يزرايل ماسەلەسى، ءسۇريا، ليۆيا جانە يەمەن داعدارىسى، سونداي-اق، تەرروريزمگە قارسى كۇرەس جانە حيميالىق قارۋدى تاراتپاۋ ماسەلەلەرى تۇر»، – دەدى.

رەسەي تارابى بۇل فورۋمدى ايماقتىق جانە حالىقارالىق ماسەلەلەردى شەشۋدە ماڭىزى زور دەپ سانايدى. رەسەي ءسىم باسشىسى وسى فورۋم ارقىلى سىرتقى كۇشتەردىڭ تاياۋ-شىعىس پەن سولتۇستىك افريكا ەلدەرىنىڭ ىشكى ىستەرىنە ارالاسۋى جانە وزگە دە ماڭىزدى ماسەلەلەرگە شەشىم تابۋدى ءۇمىت ەتكەن.

سوڭعى جىلدارى، اسىرەسە ءسۇريا داعدارىسىنان بەرى قاراي، رەسەي تاياۋ-شىعىستاعى بەلسەندىلىگىن ارتتىردى. بۇل رەتتە ايماقتا باتىس ەلدەرىنىڭ ىقپالىن السىرەتۋ ماقساتىندا تۇركيا مەن يراندى كوبىرەك وداقتاس ەتۋدە. سونداي-اق، ماسكەۋ بيلىگى رەسەي-اراب ەلدەرى فورۋمى ارقىلى ءوزىنىڭ تاياۋ-شىعىس جانە سولتۇستىك افريكاداعى ساياسي ىقپالىن مەن بەلسەندىلىگىن ارتتىرۋدى كوزدەيدى.

“The Qazaq Times”