مۇحاممەد زاريف پەن باشار اساد كەزدەستى. فوتو: RFE/RL.

يران ءسىم باسشىسى مۇحاممەد جەۆاد زاريف ءسۇريا پرەزيدەنتى باشار اسادپەن داماسك قالاسىندا كەزدەستى. زاريفتىڭ كەزەكتى ساپارى باشار اسادتىڭ شاقىرۋىمەن جاسالعان.

يران سىرتقى ىستەر ءمينيسترى اۋەجايدا جۋرناليستەردىڭ سۇراعىنا جاۋاپ بەرىپ، كەزەكتى ءسۇريا ساپارىنىڭ ماقساتىن تۇسىندىرگەن. ول يران-ءسۇريا اراسىنداعى بۇعان دەيىن جاسالعان كەلىسىمدەردى جۇزەگە اسىرۋ ءۇشىن جانە ايماقتىق، حالىقارالىق ماسەلەلەردى ورتاق تالقىلاۋ ماقساتىندا داماسك قالاسىنا كەلگەنىن ايتقان.

زاريف اتالعان تاقىرىپتا باشار اساد جانە ءسۇريا سىرتقى ىستەر مينيسترىمەن ارنايى كەزدەسۋ وتكىزەدى. ءسۇريادان كەيىن تۇركيانىڭ ورتالىق قالاسى انكارادا رەسمي ساپارىن جالعاستىرادى.  

“The Qazaq Times”