ترامپ مەكسيكا شەكاراسىن جابۋ تۋرالى ويىنان باس تارتتى

اقش پرەزيدەنتى دونالد ترامپ مەكسيكامەن شەكارانى جابۋ تۋرالى ويىنان باس تارتتى.

The Washington Post باسىلىمىنىڭ حابارلاۋىنشا، اق ءۇي باسشىسى ەكونوميكا جانە زاڭنامالىق ماسەلەلەرمەن اينالىساتىن مەكەمەمەن كەڭەسە وتىرىپ، شەكارانى اشىق قالدىرۋ تۋرالى شەشىم قابىلداعان. ەگەر مەكسيكا شەكاراسى جابىلاتىن بولسا، وندا اقش-تىڭ ەكونوميكاسىنا ايتارلىقتاي زيان تيگىزەدى.

بۇدان بولەك پرەزيدەنت دونالد ترامپ مەكسيكا ۇكىمەتى ءبىر جىل كولەمىندە ميگراتسيا مەن ەسىرتكى ماسەلەسىن شەشپەسە، كورشى ەلدەن كەلەتىن اۆتوكولىكتەرگە باج سالىعىن ارتتىراتىنىن ەسكەرتتى.

وسىعان دەيىن ترامپ اقش پەن مەكسيكا شەكاراسىندا دۋال تۇرعىزۋ ءۇشىن 5,7 ملرد دوللار ءبولۋ تۋرالى ۇسىنىس بىلدىرگەن. الايدا، رەسپۋبليكالىقتاردىڭ بۇل ۇسىنىسىن دەموكراتتار قابىلداۋدان باس تارتتى. قوس تاراپ ورتاق كەلىسىمگە كەلە الماعاندىقتان، 22 جەلتوقساننان باستاپ ءبىر اي كولەمىندە «شاتداۋن» دەپ اتالاتىن ۇكىمەت قۇرىلىمدارىنىڭ جۇمىسىن ءىشىنارا توقتاتىلعان. شەكارا ماسەلەسىنە قاتىستى رەسمي مالىمدەمەدە ترامپ: «قازىرگى ۋاقىتتا ەسىرتكى تاسىمالى، زورلىق-زومبىلىق، ۇرلىق-قارلىق سىندى ماسەلەلەر ارتىپ كەلەدى. مۇنىڭ باسىم كوپشىلىگى بوسقىندار مەن زاڭسىز ميگراتسيا سالدارىنان ورىن الىپ وتىر. ەگەر ءبىز وسى قۇرىلىستى باستاساق، گۋمانيتارلىق داعدارىستى توقتاتا الامىز»، – دەپ دۋالدىڭ ماڭىزدىلىعى تۋرالى مالىمدەگەن.

"The Qazaq Times"