ناتو رەسەيگە سوققى جاساۋعا دايىن

ناتو رەسەيگە كەز كەلگەن ۋاقىتتا سوققى جاساي الادى. پولشا گەنەرالى ۆالدەمار سكشيپچاك وسىنداي مالىمدەمە جاسادى.

قازىرگى ۋاقىتتا ناتو رەسەيدىڭ اگرەسسيالىق ساياساتىنا قارسىلىق ەسەبىندە سانكتسيا ەنگىزۋدەن بولەك، يادرولىق قارۋدى قولدانۋ جايىن قاراستىرماق. سكشيپچاكتىڭ ايتۋىنشا، پولشا تاراپى ەۋروپا ەلدەرىنىڭ ەشقانداي اسكەري كۇشى رەسەيدىڭ قارۋلى كۇشتەرىنە قارسى توتەپ بەرە المايتىنىن ەسكەرىپ، رەسەيدەن قورعانۋ ءۇشىن ناتو-عا مۇشە بولعان.

4 ساۋىردە ۋاشينگتوندا ناتو-نىڭ 70 جىلدىعىنا وراي وتكەن جيىندا اقش مەملەكەتتىك حاتشىسى مايك پومپەو الەمدە «ۇلى دەرجاۆالار باقتالاسىنىڭ جاڭا ءداۋىرى باستالعانىن» ايتقان بولاتىن. ەكى كۇندىك جيىن كەزىندە ناتو ەلدەرى قارا تەڭىزدە اسكەري كەمەلەردى كوبەيتۋگە كەلىسىپ، ۋكراينا جانە گرۋزيامەن وتەتىن جاتتىعۋدى ارتتىرۋعا ۋاعدالاسقان. مۇنى وداق باسشىسى يەنس ستولتەنبەرگ جيىننان كەيىن حابارلاعان. سونداي-اق، ناتو مەن اقش رەسەيدەن تونەتىن قاۋىپ تۇرلەرىن تالقىلاپ، «قاي ۋاقىتتا دا دايىن بولۋ كەرەك» دەگەن قورىتىندىعا كەلگەن. ال رەسەي سىرتقى ىستەر مينيسترلىگى 4 ساۋىردە جاساعان مالىمدەمەسىندە ۋاشينگتونداعى ناتو كەزدەسۋى وداقتىڭ «رەسەيگە قاتىستى اسكەري جانە ساياسي دۇشپاندىعىن دوعارۋعا قۇلىقتى ەمەسىن كورسەتەدى» دەگەن.

"The Qazaq Times"